دور بابا عمم بو دشته کاروان غم گتوردی #اربعین_حسنی_تبریزی

اربعین
زبانحال حضرت امام سجّاد (ع)
..
..
..
..
..
حاج حسین حسنی افشرد
..
..
..
..
..
دور بابا عمَّم بو دشته کاروان غم گتوردی
اربعینه قبرون اوسته دوتماقا ماتم گتوردی
..
..
..
..
..
صحبت ائیلردی همیشه سرّ مظلومیّتوندن
کثرتوندن، وحدتوندن کربلاده نهضتوندن
همّتوندن، غیرتوندن، عزّت و شخصیتوندن
هر صفاتون ذکرینه بس شاهد محکم گتوردی
..
..
..
..
..
یاد ائدردی هر مکاندا هر زماندا غربتوندن
جان بغیشلردی بو جانه جام وصلت شربتوندن
وار شفا چون هر مریضه بو مقدّس تربتوندن
بو مریض عشقی همره ایلدی عمَّم گتوردی
..
..
..
..
..
شامیده کرب و بلا تک انقلاب ائیلردی عمَّم
آرزوی اهل کفری چون سراب ائیلردی عمَّم
نهضتون باشه یتورسون چوخ شتاب ائیلردی عمَّم
جان قویوب بو یولدا قدّین غم ائدوبدور خم گتوردی
..
..
..
..
..
اَل اَله عمَّمله وئردوخ کاخ استبدادی یخدوخ
منجنیق منطقیله آل بوسفیانی سیخدوخ
ائیلدوخ رسوا یزیدی شامدن فتحیله چخدوخ
صدق قوله عمَّم الده قانلی بیر پرچم گتوردی
..
..
..
..
..
شهر شامین گلمین دی محنتی دردی شماره
یاره لی قلبیم او یرده پاره لنموشدی دوباره
تاپمادیم بیرجه مسلمان ائیله سین بو درده چاره
عمَّه می آخرده درده اودلی بو سینم گتوردی
..
..
..
..
..
باشیمه غربال غمدن خاک محنت خیز اَلندی
شامده یاندی وجودیم هر غمه درده بَلَندی
اللریم باغلیدی باشدا اودلی نی لر شعله لندی
قلبیمه غملر قالاندی غم غم اوستن غم گتوردی
..
..
..
..
..
قارداشون عباس ئولن گون زینبون اولدی وزیرون
فتح ائدوب هر بیر دیاری بو قرا معجر امیرون
فتح اولونموش شهرلرده بیر بالا اولدی سفیرون
نچّه سین قیزلاردان عمَّم بو سفرده کم گتوردی
..
..
..
..
..
جان وئرن وقته رقیّه ن چوخ یاناردی آل یاسین
خوار اولا دشمن یانندا قویمادوخ شام ایچره یاسین
شامیده چوخ عزّتیله ساخلادوخ باهم عزاسین
بلبلون گللر یوزونده قبرینه شبنم گتوردی
..
..
..
..
..
بلبلون گول حسرتینده قالدی بیر مدّت چمن سیز
چوخ وطن دن صحبت ائتدی عاقبت ئولدی وطن سیز
شامیده ویرانسراده سن کیمی قالدى کفن سیز
عمَّه می درده علاوه ای بابا بو غم گتوردی
..
..
..
..
..
قالماقی غربتده گرچه بیزلره چوخ نسگل اولدی
فرقتینده هر دقیقم دوندی گوزده بیر ایل اولدی
غسلونی اشکیله ویردوخ دفنی اما مشکل اولدی
بیزلری نی تک نوایه، نالیه اول دم گتوردی
..
..
..
..
..
او قیزین تابوتی اولدی ای بابا چون خشت پاره
معجرین عمَّم کفن تک بوکدی من ائتدیم نظاره
تازیانه ضربه سیندن واریدی جسمینده یاره
هر یارانین اوسته بیر قیز اشکینی مرهم گتوردی
..
..
..
..
..
بیر قیزی که بسله موشدون سینۀ پُر رأفت اوسته
کینه سیندن دؤر گردون سالدی خاک ذلّت اوسته
قبرینی باغلى الیله قازدی عمَّم همت اوسته
هر گورن بو وضع حالی گوزلرینده غم گتوردی
..
..
..
..
..
دوشدی آخر چون ستاره اؤز مداریندن کناره
قالمادی تاب و تحمّل منده جور روزگاره
عاقبت چوخ زحمتیله جسمینی قویدوق مزاره
ماتمینده هر بالا قیز اوزگه بیر عالم گتوردی
..
..
..
..
..