دور حسین گلدی باجون زینب دیار شامیدن #اربعین_احمدی_جوان

اربعین
..
..
..
..
..
حاج محمد احمدی (جوان)
..
..
..
..
..
دور حسین گلدی باجون زینب دیار شامیدن
دانۀ مرجان توکور اشکیله لبریز جامیدن
..
..
..
..
..
شرح آلام ایلسم محزون اولار قلبین یانار
پیشوازه کوفه ده گلمیشدی قوم کین شعار
جامۀ الوان گیینموش الده طنبوریله تار
گورموشم چوخ ماجرالر گردش ایّامیدن
..
..
..
..
..
همدم اولموشدون جداده أوغلووا قارداشیوه
کوفه اهلین صوت قرآنیله یغدین باشیوه
بیلمورم هانسی شل اولموش ویردی بیر داش باشیوه
لؤلؤ و مرجان توکولدی صورت گلفامیدن
..
..
..
..
..
کوفه شهرینده بیزی ایتدین جداده پیشواز
اهل حق پیشوازینه گلمیشدیلر اهل مجاز
ایلدین قرآن تلاوت عالمه کشف اولدی راز
ایندیده دور پیشواز ایت قاره پوش ایتامیدن
..
..
..
..
..
کوفه نی ویران ایدوب بیراهه دن دوشدوق یولا
دیزلری گلموردی اطفالین زبس ورموشدیلا
گه ووراردی قمچی گاهی طعنه قوم اشقیا
گوردولر چوخ یولدا ایذا قوم بد فرجامیدن
..
..
..
..
..
ختم اولوب یولار یتیشدی شامه آل بو تراب
زخم زنجیر ایلمیشدی عابدی بی صبر و تاب
ویردیلر منزل بیزه ویرانه ده اهل عذاب
پیچ و تابه دوشدی قیزلار کینۀ ظلّامیدن
..
..
..
..
..
کربلانی سن چمن من شامی ویران ایلدیم
خطبۀ جان سوزیله اغیاری حیران ایلدیم
سرّ مظلومیّتون دنیایه اعلان ایلدیم
صفحۀ قرآنیده محفوظ اولان احکامیدن
..
..
..
..
..
ایلدی برپا یزید بی حیا بزم شراب
امر ایدوب بو مجلسه گلسونله آل بو تراب
آتشین نطقیله سالدیم بزم شربه انقلاب
طاقتی سلب ایلدیم مجلسده خاص و عامیدن
..
..
..
..
..
تیشه وردوم ریشۀ ظلمه حسین گفتاریله
کاخ استبدادی یخدیم آه آتشباریله
گلمیشم قارداش ولی جسم ضعیف و زاریله
خجلتیم وار بیر شیرین دیلّی رقیه نامیدن
..
..
..
..
..
تا ئولونجه ویرمدی مهلت قیزون گوز یاشینه
ناله ایتدی روز و شب ناکام ئولن قارداشینه
یازدیم اکبر آدینی حسرتله قبرین داشینه
زینبون بو غصّه دن قدّی خم اولدی لامیدن
..
..
..
..
..
گویلی وار قارداش گوره لیلاده اوغلی اکبری
ایستوری آلسون رباب آغوشه تشنه اصغری
اشتیاقیم وار گورم من قاسم مه پیکری
مجتبی عطرین آلام من زلف مشگین فامیدن
..
..
..
..
..
شه یانندا رسمیدور مدفون اولار سرلشکری
بس هایاندا دفن اولوب شمشماده بنزر پیکری
آختاروم قوی من تاپوم پور رشید حیدری
دردیمه درمان آلوم سقّای تشنه کامیدن
..
..
..
..
..
ای «جوان» بو محنت عظمایه آغلا ماه و سال
وار نقدر عمرین بو غمده آغلا یاز شیرین مقال
بوشلاما شه دامنین محکم یاپوش مقصودین آل
پادشه لر نوکرین ایتمز بری انعامدن
..
..
..
..
..