رحم ایله خدایا یانور اصغر قوجاقیمدا #اصغریه_نخستین

زبانحال حضرت رباب (س) در عطش حضرت علی اصغر (ع)
روز عاشورا
.
✍️ #زبدةالاشعار ✍️
.
🆔: @nohe_torki
.
مرحوم حاج مختار نخستین اردبیلی
.
رحم ایله خدایا یانور اصغر قوجاقیمدا
اوچ گوندی چالور قوش کیمی شهپر قوجاقیمدا
.
صود یوخدی بالام تشنه لیگه تاب إئده بیلمور
مظلوم آتاسی اصغری سیراب إئده بیلمور
لایلای چالورام ایستی هواخواب إئده بیلمور
بیر دسته سارالمیش گوله بندر قوجاقیمدا
.
.
آلدوقجا هوا ایستی گلور هر نفسیندن
آز قالدی چخا روحی کناره قفسیندن
نالم اوجالور اصغریمون ناله سسیندن
صود یوخدی بالام سو یولی گؤزلر قوجاقیمدا
.
.
یاندی بالام الله منیم آثاری عطشدن
آگهین ئوزون یاندی دوداقلاری عطشدن
چک بیر طرفه اصغریمی باری عطشدن
قویما اولا زهرا گولی پرپر قوجاقیمدا
.
.
یارب بالامون دردی منی سالدى فشاره
بیلمورسن ئوزومده سوسوزام یوخ سووا چاره
پستانلاریمی ایله دی ناخونیله یاره
قانه بویانوب خورداجا أللر قوجاقیمدا
.
.
گاهی اونی گهوارۀ عشقه سالورام من
گاهی ئوپورم گاه اونا لایلای چالورام من
گاهی اونی آغوشیمه جان تک آلورام من
گاهی چکورم اوستونه معجر قوجاقیمدا
.
.
بیر حالته سالدی منی بو دور زمانه
صود اولمادی قالدی علی اصغر یانایانه
مژگان اوخونا ایلدی پستانی نشانه
یوز وئردی منه عالم دیگر قوجاقیمدا
.
.
هر دم که آتور أللرینی سینمه ساری
بیر حاله سنالوب الدن آلور صبر و قراری
گؤز یاشی اولور صفحۀ رخسارینه جاری
گویا که ویرار قلبیمه خنجر قوجاقیمدا
.
.
بلبل کیمی فریاده گلوب گول بوداقیندان
قانی توکولور اونّوگه یاره دوداقیندان
الله، نه نه نی إئتمه خجالت اوشاقیندان
چاره ائله یاپراق کیمی تیترر قوجاقیمدا
.
.
القصّه حسین اصغری آلدی آناسیندان
آیریلدی آنا خیمه ده عطشان بالاسیندان
بیر وقت گتوروب قانی آخاردی یاراسیندان
فرمایش ائدوب اوخلادی لشکر قوجاقیمدا
.
.
قالدى ألیم اوستونده بالام آلمادی بیر کس
عبّاسی چاقوردوم سسیمه وئرمدی بیر سس
گولدی منیم احوالیمه بیر عدّۀ ناکس
گلمه دی گؤره اصغری اکبر قوجاقیمدا
.
.
.
#اصغریه_نخستین
#اصغریه_شهادت
#رحم_ایله_خدایا_یانور_اصغر_قوجاقیمدا
#ترکی
.
✍️ #زبدةالاشعار ✍️
.
🆔: @nohe_torki