زبانحال حضرت رباب علیها سلام
.
✍️زبدة الاشعار✍️
?: @nohe_torki
.
سبک : ای دل اگر عاشقی … می گذرد کاروان
.
مرحوم غمناک تبریزی
.
ای گل افسرده ی گلشن جانان اوغول
بیرجه نولوب دینموسن من سنه قربان اوغول
.
.
سنسیز علی کیم باخار یاسمن و سوسنه
واریری بالش اولا طره ی گیسو سنه
یاندون عطشدن اوغول ویرمدیلر سو سنه
سو یرینه حرمله ویردی سنه قان اوغول
.
.
یوخسا سودوم اولمادی بیکس آنان آتموسان
گوز یاشون اوز قانیوه حسرتیلن قاتموسان
قان آپاروبدور اوغول یا سو ایچوب یاتموسان
راحت ایدوبدور سنی بیر سولی پیکان اوغول
.
.
سنسیز اولونجه گرگ سینمی من داغلیوم
یاده سالوب بو سوسوز ئولمگیوی آغلیوم
تیتریری دوتمور الیم یاره وی تا باغلیوم
ویرموری مهلت نئدیم دیده ی گریان اوغول
.
.
گل بو اوغولسوز آنان بیرده سر افراز ایله
چوخدی غم و محنتیم کشف غم راز ایله
آچ گوزیوی آز بیله من آناوا ناز ایله
یاندی غم و غصه دن بو دل سوزان اوغول
.
.
ویرمدیلرسو سنه خون جگر قوی ییوم
گتدی خانملیق گونوم غصه لباسین گیوم
بیرده اوغول سینمه گل سنه لایلای دیوم
دوتگله آرام بو سینه ده بیر آن اوغول
.
.
غم یمه #غمناک وار باشدا علی سایه سی
چون اونیله عمریمون محکم اولور پایه سی
سیز علی تعمیل ایدون کسریدی سرمایه سی
هر ایکی دنیاده قیل دردینه درمان اوغول
.
#سبک_ای_دل_اگر_عاشقی
.
#سبک_می_گذرد_کاروان
واگیر: اصغریم اصغریم هراداسان …
.
#اصغریه_شهادت
#حضرت_رباب
#ای_گل_افسرده_گلشن_جانان_اوغول
#غمناک_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید