رقیه آغلاما قیزیم خرابیه بابان گلوب #حضرت_رقیه_امینی_خویی

زبانحال حضرت زینب (س) به حضرت رقیّه (س)
..
..
..
..
مرحوم حاج رسول امینیان (امینی خویی)
..
..
..
..
رقیّه آغلاما قیزیم خرابیه بابان گلوب
بو نیمه شبده نیمه جان بی بیوه تازه جان گلوب
..
..
..
..
بولوبدی سن خرابه ده مریض سن عیادته
محبتون تلسدروب دوداقلاریندا قان گلوب
..
..
..
..
سپهر معرفتده ای گوزل ستاره آغلاما
خمار خمار باخوب بیله بو دلفکاره آغلاما
سن آغلیاندا قلبیمه دوشور شراره آغلاما
من آغلیوم که غنچه ی تریم گوروب خزان گلوب
..
..
..
..
قناد چالوب اوچانموسان قنادی بسته بلبلوم
ایدوبدی غصه لر سنی قفسده خسته بلبلوم
اولوبدی باغدا گلشنون گولون شکسته بلبلوم
شکسته گولدن اوتری دل شکسته باغبان گلوب
..
..
..
..
افقده گول جمالینی دومان دوتان آییم گلوب
دومانلی اولکه لر گزوب دولانمادا تاییم گلوب
گچیبدی بایرامیم ولی کسیلمیوب پاییم گلوب
دونوب خرابه جنته هامی بهشتیان گلوب
..
..
..
..
حسینیمون محبتی عیان اولوبدی زینبه
ولیک من اوزومده چوخ تعجبم بو مطلبه
هلال احمریم گلوب سلامه فوج کوکبه
اونیله ترک آسمان ایدوبدی کهکشان گلوب
..
..
..
..
بابان گلوبدی سنده گل رقیّه کشف راز ایله
دانیش دیلون فداسیم منی ده سرفراز ایله
گچن زمانلارین کیمی دانیشماساندا ناز ایله
نقدری نازون اولسا بیر اوقدری ناز آلان گلوب
..
..
..
..
اسیر عشق یاریدون کمند یاره دوشموسن
تاپونجا یار محفلین بیوک فشاره دوشموسن
کوسوبسن اولما یاریدن ندن کناره دوشموسن
اوزون گل آل کناریوه او یار مهربان گلوب
..
..
..
..
اوقدری آغلادون دیدون گرک چراغ وصلتی
بابا ملا روشن ایلیم گوروم او ماه طلعتی
کمال وصله چاتموسان او کوسمگین چوخ علتی
بو آشنا تاپولمیان مکانه آشنان گلوب
..
..
..
..
یاواش یاواش دوروب خانم ایاقه گوزده گوز یاشی
آچبدی یول او حضرته ایکی گوزی ایکی قاشی
اگیلدی اوپدی باغرینا باسوب او ذبح اولان باشی
دیدیله دینمیون دیله او مرغ نغمه خوان گلوب
..
..
..
..
دیل آچدی بلبل بلا حزین حزین گلوب دیله
او صورت مبارکین قانین کولین سیله سیله
صفا گتورموسن دیدی محقرانه منزله
بویور گوروم یانونجا بیر نفر ده جان آلان گلوب
..
..
..
..
چکردیم انتظاریوی مریضیدیم گیچن گیجه
نیازمندیدوم سنه نه یاخشی قالموسان گیجه
چکیدی زحمتیم فقط بی بیم توان حدّیجه
که هرزمان سوزوم اولوب بیر عمه مه گمان گلوب
..
..
..
..
«امینی» سن رقیّه نین تاپوبسان آستانه سین
طبیبه ی زمانه سین صفالی داروخانه سین
دیار شامده آچوب مطب عارفانه سین
غم و ملالیلن گیدن گلنده شادمان گلوب
..
..
..
..
#حضرت_رقیه #امینی_خویی #حضرت_رقیه_شهادت #ترکی #زبدةالاشعار