رود نیله چون عزیز مصری میراب ایتدیلر #اصغریه_بیضا_اردبیلی

شهادت حضرت علی اصغر (ع)
..
..
..
..
..
مرحوم بیضا اردبیلی
..
..
..
..
..
رود نیله چون عزیز مصری میراب ائتدیلر
یوسف گلگون قمیصی غرق خوناب ائتدیلر
..
..
..
..
..
تکیه ایلوب نیزیه دورموشدی شاه نینوا
نیزۀ فی صولة الرّحمن على العرش استوا
کشتی آل محمد غرق حیران ناخدا
یوخ بو مظلومه جفاى حدّ انصاب ائتدیلر
..
..
..
..
..
منع ائدوب آب فراتی شاه مظلومانیدن
عاشقان حق دیوب حق کچدی باش و جانیدن
آخدی دشت کربلایه سیل دیگر قانیدن
مقبلان حق سجودِ ربّ الارباب ائتدیلر
..
..
..
..
..
چخدی خورشید حقیقت کشف اولوب اغیار و یار
ائتدی خفاشان کوفی کنج عزلت اختیار
اولدی کنتُ کنز مخفیاً فَاجلَیت آشکار
تا اولوالالباب بیعت آلُ الالباب ائتدیلر
..
..
..
..
..
قیلدی مشتاقان حقّه داعی حق برملا
الصّلا و الصّلا البایع الله ثَرى
اولدی آماده جهاد فی سبیل الله تا
اول سبیل حق خروش و جوش احباب ائتدیلر
..
..
..
..
..
محو اولوب یتمیش ایکی اعداد قالدی بیروجود
بیر وجوده ایلدیلر هر ایکی عالم سجود
اولدی بو وحدت وجوده هر ایکی عالم شهود
بو شهودی قبلۀ طاعاته محراب ائتدیلر
..
..
..
..
..
جمع اولوب تفریق هم تفضیل هم تکثیر عدد
بحر بی پایان حقّه لا یُعدُّ لا یُحد
کان لله اولدیلار لیس له کفواً احد
ئوزلرین سرمست مخمور می ناب ائتدیلر
..
..
..
..
..
توسن طبعه وئرم بوندان علاوه گر لجام
قورخورام لغزش ائده بالمرّه افهام عوام
ال یتیشمز بی تأمّل بس که عالیدور مقام
درک ائدر آنی ئوزون اونلار که نایاب ائتدیلر
..
..
..
..
..
بِأَبى أَنتُم وَ أُمّى طِبتم اول ربّ العباد
اولماسا ائتمزدی بو ذکر مقام اتّحاد
داخل اولماز اتّحاده آب و آتش خاک و باد
نقطۀ واحدده باده گرچه من باب ائتدیلر
..
..
..
..
..
اصغرون قونداقین آغوشینده شاه تشنه لب
یکه و تنها و محزون غرق دریای تعب
بیله احوالی گوروب ناگه او قوم بی ادب
اصغرون حلقین نشانه تیر پرتاب ائتدیلر
..
..
..
..
..
اوخ دگوب ائتدی تبسم آچدی تا اصغر گوزون
لى معی الله گوردی قانه مستغرق ئوزون
بی زبانه بی زبان بیر کلمه عرض ائتدی سوزون
عالمی بو سرّ مکنونیله اخراب ائتدیلر
..
..
..
..
..
گوردی احوالی بو نوعیله او شاه کربلا
قانینی سپدی هوایه زادۀ خیر الورا
آغلادی بو قانه واللهى یَرى ما لا یُرى
خون آل اللهیله افلاکی خوناب ائتدیلر
..
..
..
..
..
فی قتیل العبره امر ائتمیش ئوزی شاه قتیل
خرجه گلمز شطّ جیحون و فرات و رود نیل
گوزیاشین «بیضا» بو لب عطشانه دور ایله سبیل
هر سودان گوز یاشی قابل گلدی ایجاب ائتدیلر
..
..
..
..
..