زینب کبری مزار شاه عطشان آختاروردی #اربعین_صحاف_تبریزی

اربعین
..
..
..
..
..
مرحوم صحاف تبریزی
..
..
..
..
..
زینب کبری مزار شاه عطشان آختاروردی
عطرین آلمیشدی حسینون لیک حیران آختاروردی
قلبی محزون، حالی پوزقون
دیده گریان آختاروردی
..
..
..
..
..
اودلى قلبینده محبّت دمبدم جوشه گلوردی
دورت مین اوخلی کوینگین باسمشدی آغوشه گلوردی
لرزیه قارداش دینده قبر شش گوشه گلوردی
جان ویروردی هر قدمده تازه بیر جان آختاروردی
..
..
..
..
..
آتش عشق حسینه قلب محزونی یانوردی
دیزلری تیتروردی غمدن محنتین آسان سانوردی
شعله و آهیله دلدن اود دوتوردی اودلانوردی
زلفی تک قبر حسینی چوخ پریشان آختاروردی
..
..
..
..
..
جلوۀ نور حسینی زینبی قویموشدی حیران
گوز یاشین جاری ایدردی صورته چون درّ و مرجان
سسلنوردی دمبدم سس ویر سسیمه ای حسین جان
یادگار فاطمه بیر قبر سلطان آختاروردی
..
..
..
..
..
جذبۀ عشقیله گزدی تا تمنّایه یتیشدی
یعنی زینب قبر پاک شاه بطحایه یتیشدی
اوج ایدوب فریاد و دادی عرش اعلایه یتیشدی
یوز قویوب اول قبر پاکه وصل جانان آختاروردی
..
..
..
..
..
شوق وصلت الدن آلدی طاقت و صبر و قرارین
وای حسینیم وای دیوب آغوشینه باسدی مزارین
اشگیله سو سپدی سیلدی زلفله گرد و غبارین
محضر جاناندا کشف راز پنهان آختاروردی
..
..
..
..
..
عرض ایدوب گلدی عیالون شامدن دور یاتما قارداش
گور نجه ایلر عذاره اهل بیتون جاری قانیاش
چوخ چتیندور بیرده گلسون قبریوه قارداش بو کُلباش
تربتون بیر اربعین بو قلبی سوزان آختاروردی
..
..
..
..
..
سندن آیریلدیم او گونکه رنگ محنتله بویاندیم
جور ظلم اشقیایه صبر ایدوب دوزدوم دایاندیم
نازنین باشون دالنجا کوفه و شامی دولاندیم
گوزلریم نوک جداده باشون هر آن آختاروردی
..
..
..
..
..
گون کیمی هر گون چخاردی نوک نی ده سیره باشون
کوفه ده بیر اولدی مهمان کوللر أوسته غیره باشون
جلوه لندی بیرده قارداش گیتدی مهمان دیره باشون
بُلدی مدّتدور که ترسا نور ایمان آختاروردی
..
..
..
..
..
آل پیغمبر اولاندا شهر شام شومه داخل
سالدى بیر طُرفه نظامه اهل بیتون قوم باطل
ایتدیلر هر محمله بیر قانلو باش اعدا مقابل
الده داش بی شرم عجوزه مهر رخشان آختاروردی
..
..
..
..
..
شامده دلدن اوجالدی دود آهیم نُه قبابه
شامه دوندی صبحیم اولدی منزلیم کُنج خرابه
قول قولا باغلى عیالون چکدیلر بزم شرابه
خیزران گوردوم یزید شوم نادان آختاروردی
..
..
..
..
..
اهل بیتون دوزدی هر بیر ظلم عدوانه حسینیم
شرحه گلمز شرح ایدم من حال ویرانه حسینیم
بو قدر وار آل طاها سویدولار جامه حسینیم
روز و شب ایذایه فرصت قوم عدوان آختاروردی
..
..
..
..
..
عترتون حالین سوروشسان أی شهنشاه مدینه
جمله گلدی قبرون أوسته قالدی بیر زار و حزینه
دردی جان توپراقلار أوسته گوزلری یولدا سکینه
بیر کفن اول فکاره آل عمران آختاروردی
..
..
..
..
..
نوحه یاز «صحاف» آغلا روز و شب بزم عزاده
بُل ویرور اجرون خدای لم یزل روز جزاده
چوخ مؤثردی بو مصرع ذکر اولونسا انتهاده
زینب کبری مزار شاه عطشان آختاروردی
..
..
..
..