#عاشورا_گونی
زبانحال حضرت زینب خطاب به آفتاب در روز عاشورا
.
✍️ #زبدةالاشعار ✍️
.
🆔: @nohe_torki
.
.مرحوم نجمی تبریزی
.
سالما حرارت شرم ایله ای آفتاب ای آفتاب
عریان یارالی قارداشیم اولدی کباب ای آفتاب
.
.
باشسیز بو پیکر که دوشوب باشدان ایاقه یاره دور
هر قانلو زخمی قان سپن اطرافه بیر فوّاره دور
شیرازه سیز قران کیمی پاشیده دور صد پاره دور
زهرا گوزینده نور دور قلبینده تاب ای آفتاب
.
.
مین شوقیله باشدان گئچوب باش فکیرینی باشدان آتوب
توپراقلار اوسته بذل ایدوب جانانه جان کامه چاتوب
یورقون یارالی خسته دور قان رختخوابینده یاتوب
ویرمه اذیّت تا ایده آسوده خواب ای آفتاب
.
.
بسدور آخان اولدوز کیمین چرخ شهادتدن آخوب
قلبین سوسوزلوق آتشی بیر سنمین اوددا یاخوب
خنجر دمینده گوزلری حسرت فراته چوخ باخوب
دگموب لب عطشانینه اوچ گوندی آب ای آفتاب
.
.
داشقین گوروب بو جسمده قان چشمه سین اشرار دین
داش دردیلر اطرافینه فوراً گروه مشرکین
بیرده بیله دا درماقین بو چشمه نین مثلین چتین
گورسون جهاندا تا جهان وار شیخ و شاب ای آفتاب
.
.
بو چولده باد ظلمیله سوندی هدایت مشعلی
آفاقی ظلمت چولقادی گیزلندی نور منجلی
نه خردا بارماقی قالور نه پیکرینده وار الی
ظلم عدودن قطع اولوب بند کعاب ای آفتاب
.
.
دامانی بو خندان گولون خار جفائیله دولوب
بو گلستان عشقیده باد مخالفله سولوب
دورت مین یارالی پیکر صد پاره سی پاکوب اولوب
صدر ظریفین سندروب سمّ دواب ای آفتاب
.
.
بو بند بند اولموش بدن خیرالورایه روح دور
خیرانّسایه طاقت و تاب دل مجروح دور
کشتیِب آل هاشمه قان قُلزمنده نوح دور
دنیانی طوفان بلا ایلوب خراب ای آفتاب
.
.
بو واژگون قامت نه تک بیر زینبین قدّین بوکوب
افلاک قدّین خم ایدوب عالم باشینا کول توکوب
اوچ شعبه بیر اوخ اوندا کی قلبین اویوب کتفین سوکوب
زلفین یولوب زهرا آچوب باش بوتراب ای آفتاب
.
باخما ستمله توکدولر قانین گروه بی حیا
ادراک سیزلر بلدولر ثاراللهی چوخ کم بها
بُلمز بو قانین قیمتین بو قانه صاحبدن سوا
بو قاندی زهرا ساچلارین ایلوب خضاب ای آفتاب
.
.
شام اهلی ایتدی منخسف برج امامت بدرینی
قدر جراحاتین بُلر کیم بُلسه انج قدرینی
هر اوخ که غافلدن گلوب ایلوب نشیمن صدرینی
دلدن آچوب خلوتگه دلداره باب ای آفتاب
.
.
اوتدا نجه آغلار کباب ایله سیزیلدار یاره سی
هم تشنه دور هم یاره لی بو فاطمه دلپاره سی
یوخدور باجیسی زینبون بیر سایبانه چاره سی
بو پاره پاره پیکره چوخ سالما تاب ای آفتاب
.
.
قویما اوجالسون گویلره چوخ زینبون شیون سسی
بو ماجرادن باخبر ایله بو زارو بی کسی
هر گوندن ارتوخدور بو گون سنده حرارت قوّه سی
قلبی کباب ایلور دوتور دل التهاب ای افتاب
.
.
دوشدوقجا سن بو پیکره رنج و اذیّت آرتوری
جلدین ایدرسن منکمش زخمینده زحمت آرتوری
باخدوقجا زینب اود دوتور قلبینده رقّت آرتوری
گوز یاشی گوزدن یاغدیرور مثل سحاب ای آفتاب
.
.
بیر بیله یاره بس دگول باشسیز بو عریان پیکره
اوخلار کبوتر تک چاتوب نعشینده شهپر شهره
آرتورما سوزش باری سن قوی منّتین پیغمبره
اولما رضا چوغ اغلاسین ختم مآب ای آفتاب
.
.
نجمی بو غمده اشکینی رخساره نجم آسا دوزر
دریادی هر بیر قطره سی قیمتده یوزده تا دوزر
خوش رشتۀ نظمه سوزی چون لوءلوء لالا دوزر
رشکین چکر باخدوقجا هر درّ خوشاب ای آفتاب
.
.
.
#عاشورا #نجمی_تبریزی
#حسینیه_شهادت
#سالما_حرارت_شرم_ایله_ای_آفتاب_ای_آفتاب
#ترکی
.
✍️ #زبدةالاشعار ✍️
.
🆔: @nohe_torki
.
نظر دهید