ای غنچۀ خندان عصمت بوداقینده #اصغریه_مصیبی_تبریزی

زبانحال حضرت رباب (س)
.
✍️ #زبدةالاشعار ✍️
.
🆔: @nohe_torki
.
محمد علی مصیبی تبریزی
.
#سبک_لبیک_حسین_لبیک
.
.
ای غنچۀ خندان عصمت بوداقینده
سوز عطش پیدا گول تک دوداقینده
یوم گوزلرین راحت خواب ائت قوجاقیمده
((لای لای علی لای لای- لای لای علی لای لای))
.
.
ای برج عصمتده بیر ماه تابنده
چوخ ال ایاق چالما چوخ یانمیوم منده
اولموش آنان سندن واللهی شرمنده
((لای لای علی لای لای- لای لای علی لای لای))
.
.
آغلار گوزون حتی ایلر اثر سنگه
تاثیر ائده حاشا بو فرقۀ ننگه
یانام ئولونجه من گول تک سولان رنگه
((لای لای علی لای لای- لای لای علی لای لای))
.
.
بو درد و محنتدن قالدی آنان آغلار
چوخ ال ایاق چالسان چوخ سینه سین داغلار
گر گورسه یوخ چاره بو اللرون باغلار
((لای لای علی لای لای- لای لای علی لای لای))
.
.
یوز سالدیم عبّاسه بلکه ائده چاره
گئتدی گتورسون سو سقا سوسوزلاره
سو مشکینی اما بیر اوخ ائدوب پاره
((لای لای علی لای لای- لای لای علی لای لای))
.
.
.
باشدان اوغول بیر آن سوفکرینی گل آت
غمکش آناوی سن آز غصه دن آغلات
یوم گوزلرون اوغلوم بیر لحظه راحت یات
((لای لای علی لای لای- لای لای علی لای لای))
.
.
.
ای نوگل پرپر عزت رواقینده
صولدون عطشدن سن گوللر سیاقینده
وار کیمسه نین بیله بیر گول سراغینده
((لای لای علی لای لای- لای لای علی لای لای))
.
.
.
سوز و گدازیندن اود دوتدوم اودلاندیم
لب تشنه لیق دردین فکر ائتمه آز ساندیم
منده سوسوزلیقدان سن تک اوغول یاندیم
((لای لای علی لای لای- لای لای علی لای لای))
.
.
.
بو حالِ بس زاره عالم تمام آغلور
عمّن ورور باشه قیزلار مدام آغلور
حتّی ئوزوم گوردوم بیکس امام آغلور
((لای لای علی لای لای- لای لای علی لای لای))
.
.
.
گل نطقه ای مرغ خوش رنگ وآب اوغلوم
آغلار گوزون ایلور قلبی کباب اوغلوم
سن سیز بو دنیانی نیلر رباب اوغلوم
((لای لای علی لای لای- لای لای علی لای لای))
.
.
#اصغریه_شهادت
#شب_عاشورا
#ای_غنچه_خندان_عصمت_بوداقینده
#اصغریه_مصیبی_تبریزی
#ترکی
.
✍️ #زبدةالاشعار ✍️
.
🆔: @nohe_torki