سلام اولا سنه ای سید خراسانی #رهبرشهید_ابراهیم_پور_خویی

به مناسبت شهادت رهبر جهان اسلام امام شهید حضرت آیت الله خامنه ای(ره)
..
..
..
محمدحسین ابراهیم پور(دلخون خویی)
..
..
..
سلام اولا سنه ای سیّد خراسانی
غمونده قاره گئیوب غملیدور هر ایرانی
..
هایانداسان آقاجان گل دانیش سسین ائشیدخ
داریخمیشوخ سسیوه آند اولا حسین جانی
..
یتیملیقین توزی قوندی بو ملتین یوزونه
عصانی آل اله گل یوخلا بو یتیمانی
..
یتیملرون هاموسی بوینی چیگنیده دایانیب
یاغیش کیمین یاغوری چشمهای گریانی
..
ده محرّم اولوب دهّم مهِ رمضان
اوشاق بویوک چاغیرور سیّد شهیدانی
..
باغیشلا بیزلری گر قدریوی بیلَنمه میشوخ
حلال ائله سنی زهرا بو جمع نالانی
..
نجه باخاخ او حسینیّه ده کی بوش یریوه
دوباره درک ائلدوخ ماتم جمارانی
..
ائشیتمیشوک آقاجان سنده تشنه جان وئردون
اوروج آغیز سنی شهید ائدوبدی بیر جانی
..
سوسوز دوداقلا شهید اولماق آیری عالمی وار
گواه بو سؤزه ، گور حال روزه دارانی
..
بو شعریدن نیه بیلمم حسینین عطری گلور
گریز وقتی چاتوب قوی دئیوم بو مصراع نی
..
«سلام ، قتلگهه خیمه دن اوروج گئدنه»
سلام ، ای بوغازینان آخان قیزیل قانی
..
آتام آنام سنه قربان، اؤزوم بالالاریوا
همان اوشاخلاریکی اوتدا یاندی دامانی
..
او لحظه کی ال ایاق چالمیسان قان ایچره آقا
او غم بوکوب بئلی، قان آغلادوبدی زهرانی
..
او قانه زینبیوینده قانی قاریشدی حسین
قیامت ایلدی شمرین او تیغ برّانی
..
غم ائتمه (دلخون) اگر منتظر قویوبسان آدون
بو قانلاری آلاجاخدور زمانه سلطانی
..
ظهوره ایله دعا چاره لر ظهوریده دی
گرک آقا گله رفع ایلیه بلایانی
..
یازیلدی تارک تاریخه نام خامنه ای
عزیز امت اسلام امام خامنه ای