شهادت قمر بنی هاشم (ع)
زبانحال حضرت زینب (س) به امام حسین (ع)
..
..
حاج غلامرضا عینی فرد زنجانی
..
..
قارداش باجون ئولسون پوزولوبدور بئله حالون
عبّاسون ئولوبدور؟ داغلوب جاه و جلالون؟
زینب سنه آغلار
باشه قارا باغلار
….
….
ای عرشیده زینت اولونان عشقیله آدی
ای بیرگونون عرضی داغیلان غملی ستادی
بو سوزلری تکرار ایلیم ایندی بجادی
قارداش باجون ئولسون پوزولوبدور بئله حالون
زینب سنه آغلار
باشه قارا باغلار
….
….
شهزاده علی اکبر ئولن وقتده قارداش
بو حالتیله توکمه میسن عارضه قانیاش
آغلور سنون احوالیوه جنبنده و داغ داش
قارداش باجون ئولسون پوزولوبدور بئله حالون
زینب سنه آغلار
باشه قارا باغلار
….
….
بلدوم من آشان وقتده سن تلّی برادر
قارداشون ئولوب ای گل گلزار پیمبر
قارداشی ئولن شخصلرین دیزلری تترر
قارداش باجون ئولسون پوزولوبدور بئله حالون
زینب سنه آغلار
باشه قارا باغلار
….
….
اوچمنجی علمدور یاتوب ای سرور احرار
عبّاس علمى یاتدى سؤوندی داخی اشرار
فکر ایلمه یوخدور سنه بو چولده علمدار
قارداش باجون ئولسون پوزولوبدور بئله حالون
زینب سنه آغلار
باشه قارا باغلار
….
….
سندیرماگلان وقریوی ای مفخر عالم
زهرا آنامی یاد ایدوسن با دل پرغم
مادر عوضیندن گوزوین یاشینی سیلّم
قارداش باجون ئولسون پوزولوبدور بئله حالون
زینب سنه آغلار
باشه قارا باغلار
….
….
عبّاس علمون ویر اؤپه بیربیر بو سوسوزلار
آلسونلا عمو عطرینی بوندان بالا قزلار
مأیوس اولوب اصغر آناسی گورنجه سیزلار
قارداش باجون ئولسون پوزولوبدور بئله حالون
زینب سنه آغلار
باشه قارا باغلار
….
….
سردارون ئولوب ویرمگه اعلانیه گلدین
چکدون گورورم سن یخاسان خیمه عمودین
هم خیمه یاتوب هم، علم اولدی هامی غمگین
قارداش باجون ئولسون پوزولوبدور بئله حالون
زینب سنه آغلار
باشه قارا باغلار
….
….
قوی بیر دولانیم باشیوه ای باشی بلالی
آز آغلاگلان ای ئورگی داغلی یارالی
وای زینبه اولدی بو بیاباندا عزالی
قارداش باجون ئولسون پوزولوبدور بئله حالون
زینب سنه آغلار
باشه قارا باغلار
….
….
نظر دهید