صبح عاشورا آچیلدی پرده اسرار عشق #وداع_انور_اردبیلی

وداع حضرت امام حسین (ع)
..
..
..
..
..
مرحوم انور اردبیلی
..
..
..
..
..
صبح عاشورا آچیلدی پرده اسرار عشق
کربلا صحراسی اولدی مشرق الأنوار عشق
..
..
..
..
..
سینۀ فجر بلانی آفتاب ایتدی شکاف
اولدی سیمرغان زرّین پنجه مست اوج قاف
حاجیان کوی عشقی گرم ایدوب فکر طواف
باغلادی هر تک تکی احرام قیمتدار عشق
..
..
..
..
..
آزمایش صحنه سینده عاشقان پاکباز
البلاء للولا معناسین ایتدی پیشواز
تشنه لب عشّاق حق آب فراته قیلدی ناز
کایناتی بهته سالدى قدرت معیار عشق
..
..
..
..
..
متّفق آرائیله تصویب اولوب خونین قیام
واحد النّفس اولدیلار یتمیش ایکی واحد مرام
جان به کف اخلاصیده یک نیّت و یکتا کلام
شیرخوار و پیر و برنا ایتدیلر اظهار عشق
..
..
..
..
..
کثرتون ویران ایدوبلر قلعۀ مستحکمین
آچدیلار میدان وحدتده فتحنا پرچمین
جنّت ایتدی آرزو عاشقلرین خوش مقدمین
قاب قوسینه یتیشدی دولت بیدار عشق
..
..
..
..
..
باخدی حیرتله ملائک نینوا صحراسینه
قدسیان احسن دیدی عشق اهلنون سوداسینه
ساحل امنه چیخوب کیم باتدى قان دریاسینه
وادی عشقی مزیّن ایلدی انصار عشق
..
..
..
..
..
سرخ رو گلگون قبا سرمست و اعلا مسلکان
سینه لرده ناوک و پیکانه ویردیلر مکان
یاره لر گل جسملرده خونفشان و خونچکان
رنگ آلوبدور سرخ شبنمدن گل گلزار عشق
..
..
..
..
..
رشک آپاردی یوم عاشورا منا عاشقلره
چکدی حسرت سعی ده مرو و صفا عاشقلره
خانۀ عشق اولدی دشت کربلا عاشقلره
طرح قیلمیشدی ازل گون نقشه سین معمار عشق
..
..
..
..
..
ظهر عاشورا یاخینلاشدی یتوب ظهر مرام
خیمه لر اولاد هاشمدن اولوب خالی تمام
دوتدی تصمیم عترتین ترک ایلسون مظلوم امام
حدّ تکمیله یتیشسون مطلب طومار عشق
..
..
..
..
..
قتلگهده شهریار عشق ایدوب ترک نبرد
ذوالجناح تیز پا فوراً اولوب میدان نورد
خیمه گاهه یوز قویوبدور دوتدی لشگر گاهی گرد
تلّدن اندی خیامه مرکب رهوار عشق
..
..
..
..
..
عرش زین اوسته حسین سسلندی یا اهل الخیام
فرد و فرد و سربسر مندن سیزه اولسون سلام
ای حیالی قیزلاریم یا زینب ذوالاحترام
گلمیشم آخر وداع سیزدن ایدم دیدار عشق
..
..
..
..
..
محضر سلطاندن ایتدی حرملر التجا
بش دقیقه عترتون سال باشینه ظلّ رجا
سن آت اوسته بیز پیاده بو وداع اولماز بجا
مختصر تأخیر ایدوب گیتسون دگول انکار عشق
..
..
..
..
..
بو تقاضانی قبول ایتدی شه گردون وقار
زیندن اولدی پیاده حجّت پروردگار
آلدى اطرافین بنات فاطمه پرگار وار
نقطه تک قالدى وسطده نقطۀ پرگار عشق
..
..
..
..
..
بیر به بیر باخدی سوسوز لاره خدیو عشق خو
گوردی شیرین دللرین آشفته دل آشفته مو
دینمیور دل بولمیین قیزلار باخور بی گفتگو
دل بولنلرده ایدنمور غصّه دن گفتار عشق
..
..
..
..
..
آز قالور ایتسون حرارت خیمه گاهی مهلکه
واهمه غالب اولوب طفلان عرفان مسلکه
دیده لردن اشک آخوب گل یوزلره سالمیش لکه
استقامتدن دوشوب اطفال بی غمخوار عشق
..
..
..
..
..
لطفینه شامل ایدوب بیر نازپرور دخترین
چکنی آغوشه سیلوب گوز یاشین اؤپدی لبلرین
معجرین باشدا مرتّب ایتدی آلدى زیورین
گوردی بختیننده تنزّل طفلک هشیار عشقی
..
..
..
..
..
آلسالار هر بیر قیزین گوشوارین ایتمزحوصله
قلبینی بسکه داریخدیردی او غملی مرحله
رشتۀ بزم سلیمانی او قیز آلدى آله
طوطی شکرشکن غمدن آچوب منقار عشق
..
..
..
..
..
دلخوش ایلردون منی لطف و عنایتدن بابا
بولمورم گوشواره می آلدی نه بابتدن بابا
من اسارت رمزین آلدوم بو علامتدن بابا
یا که غارت وار قاباقدا ای شه ابرار عشق
..
..
..
..
..
احسن احسن قدرت ادراکیوه احسن قیزیم
آزدی سینّون مطلبه چوخ یاخشی روشن سن قیزیم
آغلاما سن آغلاسان قیزلار ایدر شیون قیزیم
گوشواره قالسا گوشونده اولور آزار عشق
..
..
..
..
..
گوشواره ایستمز دوزدور بابا بیچاره لر
قلبیمی وار آیری دردیم تیر آهیم یاره لر
یادگار اکبریمدور بو قیزل گوشواره لر
گوشیمه سالمیشدی شبه احمد مختار عشق
..
..
..
..
..
باجی قارداشدان نشانه ساخلاسا خوشدور بالا
رسم ایّامه مقام عشقده وار حکم لا
گچ بو سوزلردن قولاقون ایستورم سالم قالا
گوشواره ساخلیانماز کیم سالا گوشوار عشق
..
..
..
..
..
درک ایدوب بو صحبتی کیم واقف اولدی مطلبه
بیلدیلر واردور اسارتده بیوک بیر مرتبه
قیزلار اوز گوشواره سین تسلیم ایدوبدور زینبه
زیب و زردن گوز یوموب طفلان گل رخسار عشق
..
..
..
..
..
الغرض شه خاتمه ویردی وداع آئینینه
قیلدی فرمایش باجی زینب قالان واردور گینه
یولداش اول منله گیداخ سجّادیمون بالینینه
بو عیادتده اونا تسلیم اولونسون وار عشق
..
..
..
..
..
کاش اولیدی ہو عیادتده باجی بیر کاسه سو
بزم عشق و عاشقی آرتوق تاپیدی رنگ و بو
خضر عطشان سو ایچوب راحت ائدیدی گفتگو
تاب و تبدن دینجلیدی مختصر تبدار عشق
..
..
..
..
..
خیمۀ سجّادی قصد ایتدی شهید تشنه کام
سایه تک دوشدی دالیجا زینب والامقام
هوشه گتدی بسترینده ناخوشی عطر امام
نسخه سین تاپدی طبیبین گورجگین بیمار عشق
..
..
..
..
..
عرض قیلدی ای بابا وی یادگار بو تراب
ناگرانم من هارا یتدی بو چولده انقلاب
ایتدی فرمایش اونا جان رسول ذوالکتاب
ناگران اولما علیجان گرمدور بازار عشق
..
..
..
..
..
لشگریم یاتمیش منای عشقده گلگون قبا
عشقینه هر تک تکی آلدى مدال مرحبا
تئز سوروشدی بس هانی عبّاس نام آور بابا
لشگر عشقه بویوردی اولدی پرچمدار عشق
..
..
..
..
..
نسگل اولدی ناخوشا بو صحبت رقّت اثر
اکبریم هاردا سوروشدی ای شه والا گهر
بو سوزی گویا دیدی قانلو عبادن آل خبر
گور نه حالدا دوغرانوب آهوی خوش رفتار عشق
..
..
..
..
..
سود امر قارداشیمون عرض ایتدی قیل حالین بیان
چاره تاپدوز دردینه یا که بشیکده ویردی جان
ایتدی فرمایش ایله سو گلمدی نوش ایتدی قان
آچمادی سربسته قالدی غنچۀ بی خار عشق
..
..
..
..
..
سوز بورا چاتدی تاپوب شدّت تب زین العبا
بسترین ترک ایلیوب زینبدن ایتدی التجا
حاضر ایله عمه جان بیر تیغ برّا بیر عصا
جانیمی منده بو چولده ایلیوم ایثار عشق
..
..
..
..
..
درک ایدوبدور شاه دین بیمار عشقین نیّتین
گیتمه میدانه دیدی گیمه شهادت خلعتین
حفظ ایله مندن صورا آل علی حیثیتین
شهر عشقه یوخدی سندن غیر فرماندار عشق
..
..
..
..
..
قیلدی تفویض امامت خیمه دن اولدی کنار
عزم کوی یار ایدوبدور عاشق کامل عیار
قیزلارین گوز یاشلی قویدی مرکبه اولدی سوار
ذکر الرّحمانیله یول باشلادی سردار عشق
..
..
..
..
..
قارداشین گوردی خانم زینب گیدور با اشتیاق
خیمیه اصلا دؤنوب باخمور اولور گوزدن اوزاق
دوردوقی یرده تکان ویردی اونا درد فراق
قاچدی دالدان یار عشقین سسلیوبدی یار عشق
..
..
..
..
..
مختصر ایله توقف جانیوه زینب فدا
دردمندون وار حسین گیتمه بیله بی اعتنا
آشناسین ساخلادی یولدان صدای آشنا
مرکبین چکدی لجامین کاروان سالار عشق
..
..
..
..
..
گوردی قارداش دوردی جان تاپدی بتوله یادگار
سرعتین آرتوردی قاچماقدا اسیر روزگار
پر ووروب یتدی حضور شاهده پروانه وار
شاهد شورافکن و پرشور و شیرین کار عشق
..
..
..
..
..
شه بویوردی صورتینده رنگ زردون وار باجی
اشک گرمون گوزده دلده آه سردون وار باجی
پابرهنه خیمه دن چیخدون نه دردون وار باجی
طعن ایدر افغانیوی درک ایلسه اغیار عشق
..
..
..
..
..
قوی گیدوم تأخیره سالما وار حسینه انتظار
من تاپوب وصل نگاری خیمه ده سن قال خمار
ناگران اولما یولا سالدون حسینی روزه دار
قصر جنّتده دوشنمیش سفرۀ افطار عشق
..
..
..
..
..
سود اموبسن سن کی پستان شجاعتدن باجی
سن کی عاشق پیشه سن روز ولادتدن باجی
اولما پروا ایلوسن درد اسارتدن باجی
یا سنی دلدن سالوبدی زحمت بسیار عشق
..
..
..
..
..
عشق سوداسی هامی داد و ستددن باشدادی
بو ایشون رمز و رواجی بیز باجی قارداشدادی
درد عشقون چاره سی فکر ایلمه گوز یاشدادی
صبر ایله قوی حل اولونسون مشکل و دشوارعشق
..
..
..
..
..
افتخار آل هاشمدور بو عشق کبریا
صبر خو عاشق گرک اولسون بلایه آشنا
چوخ بلا چکدی بو عشق اوسته آنام خیرالنسا
سینه سین قانیله رنگین ایلدی مسمار عشق
..
..
..
..
..
ایله رفتار ایله قوی زهرا سنه احسن دیسون
نطقوه اهل سخن شمشیر خصم افکن دیسون
آشنالر سهلدی زینب، گرک دشمن دیسون
به ایون آباد اولیدی حیدر کرّار عشق
..
..
..
..
..
شکر ایله خوش طالع اولدون ای انیس ابتلا
کوفه اهلی غارته گلسه سن ایتمه اعتنا
خیمه گاهون ایلمه فکرین کول ایتسه اشقیا
تلّ سندن قتلگه مندن اولار آثار عشق
..
..
..
..
..
ویردی بو صحبت لر آرامش بتول ثانیه
زینبی عرض ایتدی اوخشاتما حسین بیگانیه
عشق اودوندان واهمه یوخدور یانان پروانیه
روز اوّل منده سنلن ایتمیشم اقرار عشق
..
..
..
..
..
دهردن گیتدی آنام زهرا دیدیم وار مرتضی
مرتضی گیتدی منه ویردی تسلّی مجتبی
مجتباده قالمادی فکر ایتدوم ای میر هدا
قارداشیم واردی حسین تک عزّت دربار عشق
..
..
..
..
..
وقتیوی بیر مختصر باری یوباندیر دوش یولا
شمع تک پروانوی باشه دولاندیر دوش یولا
قلبیمون چیرپینماسین قارداش دایاندیر دوش یولا
سن منایه گیت قیتسون خیمیه ناچار عشق
..
..
..
..
..
سیل محنت صبر سدّین قویمارام یخسون حسین
غم کمندی نازنین قزلاروی سیخسون حسین
گوز گوتورسم عترتوندن گوزلریم چخسون حسین
سنده لطف ایله جداده اول منه همکار عشق
..
..
..
..
..
لطف مولادى اولوبدی «انورا» طبعون روان
ایل به ایل سنّون گئجور شعرون اولور اما جوان
چاپ جلد پنجمه توفیق تاپسون هر زمان
پنجمین دیوانیوه زینتدى بو اشعار عشق
..
..
..
..
..