شهادت حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
حاج #اسماعیل_زرین
.
باشیم اوسته اگلش عم اوغلی جان
داده گل سن آغلا من آغلیوم
فاطمه ویرور حسرتیله جان
داده گل سن آغلا من آغلیوم
.
.
قاصد اجل یتدی قلبیدن
دلخوشام قوتولدوم فشاریدن
لطف ائدوب منه حی داوریم
قورتاروب منی انتظاریدن
لیک آیرولوق سختیدور منه
سن کیمی عزیزیم نگاریدن
آیرولوق زمانیندن الامان
داده گل سن آغلا من آغلیوم
.
.
دلخوشام قالوب ئولمیم اولام
محضرونده من هرصباح و شام
علم و حلم و حسن و کمالوون
مکتبینده درس کمال آلام
حیف اولا که سندن آیردولار
ظلمیله منی فرقۀ ظلام
فرقتونده باغریم اولوبدی قان
داده گل سن آغلا من آغلیوم
.
.
بیر دقیقه بو قوم کینه جو
قویمادی جهاندا یوزوم گوله
هر ستم منه بولدولر روا
بضعته رسولی بوله لوله
کثرت مصیبتدن عاقبت
گیتدی قلبیدن صبر و حوصله
آرزوی مرگ ائتدیم اولزمان
داده گل سن آغلا من آغلیوم
.
.
سن اوزون بولورسن که قوم کین
نه جفا و ظلم ائتدیلر منه
الدن آلدیلارحقّوی سنون
گتدیلرمنی داد و شیونه
نارغمله دل اود دوتوب یانوب
هرزمان نظر ائیلدیم سنه
آردتدی گون به گون سوزش نهان
داده گل سن آغلا من آغلیوم
.
.
هرجفا و ظلم و ستم منه
ثانی جفا کاریدن یتوب
ضرب سیلی و صدمۀ جبین
اول لعین مکاریدن یتوب
حکم قمچیِ ثانیِ دنی
قنفذه او غدّاریدن یتوب
اولمیا سنه کاش او ظلم عیان
داده گل سن آغلا من آغلیوم
.
.
گور روادی بو قویمیه عدو
اوز ائویمده راحت بیرآغلیم
نارحسرتیله بو سینمی
جدیمون عزاسینده داغلیم
باشه قاره گوزیاشی صورته
سیل تک بو ماتمده باغلیم
چوللری گیدوب ائلیم مکان
داده گل سن آغلا من آغلیوم
.
.
ثانی اونداکی یغدی باشینه
بیر جماعت کینه پروری
اود ویروبدی یاندوردی ظلمیله
جبرئیل اذن ایستین دری
من اوگون کی گوندن مریض اولوب
اولموشام بو نوعیله بستری
ثانی جفا کاریدن امان
داده گل سن آغلا من آغلیوم
.
.
گوزلریمده خون دلی عبث
اشک آله بو نوعی قاتمارام
مسجده گئدن دمده من سنون
حالیوی یادیمدان چخاتمارام
قبرایچینده ده بو ساغالمیین
یاره قویماز آسوده یاتمارام
توپراقیمده آغلار عم اوغلی جان
داده گل سن آغلا من آغلیوم
.
.
گورچیخار بو یاددان که ملکمی
غصب ائده علن قوکینه جو
التجایه بوبکره دل آچا
مصطفی قیزی گور روادی بو
ابرظلم مه صورتین دوتا
ثانیه اولان دمده روبرو
وار هنوز اول ظلمدن نشان
داده گل سن آغلا من آغلیوم
.
.
آفت بلاو ِمحَن منیم
عیشمون خزان ائتدی گلشنین
قالموری اوقدری قضا الی
عمریمون یغا غملی دامنین
آز قالور اوجاتسون بالالاریم
عرش طاقنه دادو شیونین
زینبیمون اولسون ایشی فغان
داده گل سن آغلا من آغلیوم
.
.
.
گولمه سین گوروم دهریده یوزی
ثانی جفاکار و مرتدین
قویدی حسرت اولادیمه منی
ایتدی ظلمیله زارو دلغمین
آچدی باب ظلم و عداوتی
پوزدی آل طاهانون حرمتین
حرمتین پوزا حیّ لامکان
داده گل سن آغلا من آغلیوم
.
.
بزم غمده «زرّین» گیجه گونوز
نی کیمی سیزیلدار ائدر فغان
یادینه سالار حالیمی منیم
صورته سرشگی اولار روان
دردینه دگر بو محبتیم
مطلقا عم اوغلی ئولن زمان
اوددا قویماروخ قالسون آغلیان
داده گل سن آغلا من آغلیوم
.
.
#سبک_ساخلا_ناقه_می_کاروانیدن … 8 سبک
.
#فاطمیه_شهادت
#باشیم_اوسته_اگلش_عم_اوغلی_جان
#ترکی
.
✍️ #زبدةالاشعار ✍️
.
🆔: @nohe_torki
نظر دهید