ظلم اولوندی کوفه ده آشکاره یا حسین #مسلمیه_فکری_اردبیلی

زبانحال حضرت مسلم ابن عقیل (ع)
..
..
..
#سبک_مسلمون_شهادتی ….
..
..
..
مرحوم خالق فکری اردبیلی
..
..
..

ظلم اولوندی کوفه ده آشکاره یا حسین
چکدیلر سفیروی کارزاره یا حسین
..
..
..

بیعت ایلینلرون یوخ وفاسی کوفه ده
بی وفا جماعتون وار جفاسی کوفه ده
نامه ده اولان سوزون یوخ بقاسی کوفه ده
دوندی گوندوزوم منیم شام تاره یاحسین
..
..
..

تنگ اولوبدی دم بدم حلقۀ محاصره
قان دوتوبدی گوزلری کور اولوبدی باصره
ایلمور اثر سوزوم مردمان حاضره
کوفه دوندی قانیلن جویباره یاحسین
..
..
..

یوخدی یار و یاوریم یالقوزام یارالیام
هر گلن ورور منی بیلمورم هارالیام
دوغرانامدا کوفه ده من سنه وفالیام
نوکرم سنون کیمین شهریاره یاحسین
..
..
..

ای عزیز فاطمه وی امام مقتدا
گلمه کوفه شهرینه گوزلریم سنه فدا
حرمت ایلمز سنه کوفیان بی وفا
کاش اولیدی ایلین بیر اشاره یاحسین
..
..
..

چوخ یارا دگوب منه قانیمه بویانمیشام
جنگ ایدوب یورولمشام گوشه ده دایانمیشام
حیله ایلینلره حیف اولا اینانمیشام
نفرت اولسون هر زمان حیله کاره یاحسین
..
..
..

گلمه گلمه کوفیه تازه گللرون سولا
گلستان فاطمه قورخورام خزان اولا
دیدگان اکبره لخته لخته قان دولا
گرد غم قونار اودم گلعذاره یاحسین
..
..
..

شاهزاده قاسمون بو مناده دوغرانار
خیمه گاه شاه دین ظلم اودیلا اودلانار
آتش جفائیلن قزلار اود دوتوب یانار
اوخلانار عراقیده شیرخواره یاحسین
..
..
..

کوفه نون جماعتی خوابیدن اویانمادی
من دیدیم حقیقتى هیچ بیری اینانمادی
وردی هر گورن منی شرم ایدوب اوتانمادی
اولدی پیکریم منیم پاره پاره یاحسین
..
..
..

ای غریب باوفا وی سفیر شاه دین
غیرت و وقاروه آفرین مین آفرین
لطف ایله بو«فکرینون» حشر اولاندا دوت الین
سویله چوخ گناهی وار ایله چاره یاحسین
..
..
..
#مسلمیه_فکری_اردبیلی #زبدةالاشعار #ترکی