راه شام
زبانحال حضرت سکینه (س) با سر مبارک برادر
..
..
..
..
سید محسن رجایی(مجنون)
..
..
..
..
علی باشون دالینجا چوللری آسمیه سر گللم
جداده سن گیدرسن، ناقه ده من دیده تر گللم
..
..
..
..
جمالون جلوه سیندن حسن پیغمبر نمایاندور
گوزون خالون خطون مسطور اولان آیات قرآندور
بو قرآنون ولی تذهیبی باشوندان آخان قاندور
او باشدا ایتماقا نظّارۀ شقّ القمر گللم
..
..
..
..
اگر چه اشکدن گوز کاسه سینده موج طوفان وار
وصالون نشئه سیله روحیمه بیر حظّ شایان وار
نه احساس ایلرم بو دشتده خار مغیلان وار
ایله محو اولموشام منده اوزومدن بی خبر گللم
..
..
..
..
نقدری وار حلاوت روحه بیر لذّتلی رؤیاده
بو رؤیا لذّتین درک ایلرم اول چشم شهلاده
ویروب عشقون منه آواره لیق مشقین بو صحراده
دالونجا کوبکو منزل به منزل دربدر گللم
..
..
..
..
یانا بیر عمر اِستِبعادی یوخ سرگشته عاشقدن
کسه اوز عُلقه سین دنیاده هر گونه علایقدن
سچیلمز عارضیم بو چولده گلبرگ شقایقدن
گوزوم از بس توکر رخساریمه خون جگر گللم
..
..
..
..
اولان روز ازلدن حلقۀ عشقونده وابسته
بو عشقی حفظ ایدر گنجینۀ قلبینده پیوسته
نه تنها شام و کوفه یوللاریندان اولمارام خسته
اگر دامان حشره چکسه پایان سفر گللم
..
..
..
..
ایدر چوخ آرزو ایتسون سفر اهل نظر باهم
ازل گوندن قضا یازموش بیزی شوریده سر باهم
خوشا اقبالیمه اوللوخ بو یولدا همسفر باهم
سنون تک ایلرم منده قبول هر خطر گللم
..
..
..
..
مبادا صورتون بیر دم نظرده ایلیم پنهان
اودور که قویمارام انظاریمه پرده چکه مژگان
غَمین و دلشکسته خسته و افسرده و حیران
سورونّم نیزه دارون آردیجا شام و سحر گللم
..
..
..
..
من اول شهزاده ام تیر بلا آماجیم قارداش
شرار دردیله قلبی یانان برباجیم قارداش
او قانلو گوزلروندن بیر باخیش محتاجیم قارداش
تمام عمر بر عطف نظردن مفتخر گللم
..
..
..
..
وجود آتش سوزانیله اخگر نه لازمدور
سبودن نوش ایدن مستانیه ساغر نه لازمدور
علی پروانۀ عشقه جهاندا پر نه لازمدور
سنوب بال و پریم گر چه گینه بی بال و پر گللم
..
..
..
..
جمالون گورماقا تا زلف خون آلوده حایلدور
شکسته نی کیمی سینه مده دل فریاده مایلدور
باجون ظاهرده گرچه بستۀ قید سلاسلدور
سَرِ زنجیر زلفون چکمه سه قارداش مگر گللم
..
..
..
..
بو وسعتله جهان اولدی منه کنج قفس سنسیز
داخی من ایتمرم سیر گلستانه هوس سنسیز
منه همناله دور بو چولده فریاد جرس سنسیز
انیسیم آه سرد و مونسیم اشگ بصر گللم
..
..
..
..
دوشوب تا زخم تیغ و نیزه ابروی کمان اوسته
اولوبدور یوزده اشگیم ژاله برگ ارغوان اوسته
هلال ماهی تصویر ایلیوب باشون سنان اوسته
جداده ایلرم مه صورتون مد نظر گللم
..
..
..
..
اگر چه چوخ گلایم وار سنه اوضاع غارتدن
عیان اولدی بیزه غارت گونی روز قیامتدن
دیمه هرگز باجون عاری اولوب اسباب زینتدن
نثار ایلر گوزوم دامانیمه درّ و گهر گللم
..
..
..
..
کمند عشقه دوشموش طایرم راه فراریم یوخ
خزان بیداد ایدن باغیمده امّید بهاریم یوخ
سلوک عشقده هرگز اوزومدن اختیاریم یوخ
او باشون دوشموشم آردینجا هر سمته گیدر گللم
..
..
..
..
بو گون شمس هدا سیرینده شاماته مُصمّمدور
یغوب اولدوزلاری اطرافینه بیر اوزگه عالمدور
ولی افسوس بو منظومه سیندن بیر قمر کمدور
بو ظلمتدن دوتوب مرآت دل رنگ کَدَر گللم
..
..
..
..
باجون دلگرمدی فکرینده بیر امر محالیله
گزور بو چوللری آواره امّید وصالیله
یتر ویرانۀ شامه باشون من بو خیالیله
اورک سینه مده برگ بید مجنون تک اسر گللم
..
..
..
..
#راه_شام #رجایی_تبریزی #ترکی #زبدةالاشعار #اکبریه #اکبریه_شهادت #اکبریه_رجایی_تبریزی
نظر دهید