فلک او دم که علی چشمین اشکبار ایلدی #فاطمیه_سیدعزیزهاشمی

شهادت حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
#سیدعزیزهاشمی
.
فلک او دم که علی چشمین اشکبار ایلدی
وفالی همسرین آلدی غمه دچار ایلدی
.
پیمبرین قیزی ترک ایتدی دار دنیانی
بو غمده زینب و کلثومی بیقرار ایلدی
.
گلوبدی نالیه قدوسیان بو محنتده
اسوب خزان یلی دنیانی تیره تار ایلدی
.
قیامت اولدی عیان غم جهان اوزون بورودی
تمام شیعه لر اوز عیشین آه و زار ایلدی
.
جهانه شور و نوا سالدی فاطمه ئولومی
یری ، گوگی، هامی افلاکی داغدار ایلدی
.
حسین یوزینی قویوب فاطمه ایاقلارینا
حسنده پیکرینه گوز یاشی نثار ایلدی
.
او دورت بالا آنانی اوخشیوبلا آغلادیلار
بیر عمر،دوردوده حزن و غم اختیار ایلدی
.
علی ولی گئجه گزلین بقیعده آغلاردی
او آغلاناق هامی افلاکی بی مدار ایلدی
.
ویرنده فاطمیه غسل او شهریار نجف
تمام اهل سماواتی ضجه دار ایلدی
.
الی دگوب او شهین تازیانه نین یرینه
تمام صبر دلین غصه تار و مار ایلدی
.
حیای فاطمه آغلاتدی شیر یزدانی
او صبر صاحبنون چشمین اشکبار ایلدی
.
علینون آغلاماقی کائناتی آغلاتدی
هامی یارانموشی عالمده دلفکار ایلدی
.
نه نوعی دوزدی او حضرت فراق زهرایه
نه نوعی بو محنه قلبی بردبار ایلدی
.
فقط خدای جهان بیلدی بیرده حضرت اوزی
نجه تحمل او درده او شهریار ایلدی
.
اگر قبول اولا ای « هاشمی » بسوندی بو سوز
سنه نظر اوزی اول شاه تاجدار ایلدی
.
.
#فاطمیه_شهادت
#فلک_او_دم_که_علی_چشمین_اشکبار_ایلدی
#ترکی
.
✍️ #زبدةالاشعار ✍️
.
🆔: @nohe_torki