قامت طوبایه باخیم ؟ باخمیم ؟ #مهدیه_هدایت_تبریزی

باخیم ؟ باخمیم ؟
.
#زبدةالاشعار
.
: @nohe_torki
.
هدایتی تبریزی
.
قامت طوبایه باخیم ؟ باخمییم ؟
صورت زیبایه باخیم ؟ باخمییم ؟
.
یار دولاناندا گوز اولوب سر به سر
سرو دل آرایه باخیم ؟ باخمییم ؟
.
باغریمی غمزیله هدف ایله سه
نرگس شهلایه باخیم ؟ باخمییم ؟
.
سینه سی سینانی سالیب حیرته
سینه ی سینایه باخیم ؟ باخمییم ؟
.
جلوه سی دوشسه داغئدار داغلاری
جلوه ده غوغایه باخیم ؟ باخمییم ؟
.
حکم ائله سه گولشن ائدر آتشی
قدرت ایمایه باخیم ؟ باخمییم ؟
.
نیمه ی شب یاده دوشنده یوزو
گوی ده دونوب آیه باخیم ؟ باخمییم ؟
.
باخسا عصانی ائلئیر اژدها
مصرده دعوایه باخیم ؟ باخمییم ؟
.
بیر توکولن چکسه منی بندئنه
زلف چلیپایه باخیم ؟ باخمییم ؟
.
باغرئمی دریا کیمی یارسا اگر
رأفتی دریایه باخیم ؟ باخمییم ؟
.
جامئمی چالسا داشا سندرسا گر
شوقیله لیلایه باخیم ؟ باخمییم ؟
.
قاشلارین اوینادسا آلا جانئمی
قوسه ی اعلایه باخیم ؟ باخمییم ؟
.
می ده , گؤروب عکسینی حسرتله من
کاسه ی صهبایه باخیم ؟ باخمییم ؟
.
بیر باخشا اؤرگه در هر بیر زادی
علّم الاسمایه باخیم ؟ باخمییم ؟
.
مقدمیمه سجده ملائک ائدر
ساحت والایه باخیم ؟ باخمییم ؟
.
سویله ( هدایت ) کرم و نعمت
خارج از احسایه باخیم ؟ باخمییم ؟
.
.
#قامت_طوبایه_باخیم_باخمیم
#ترکی
.
#زبدةالاشعار
.
: @nohe_torki