شهادت حضرت علی اکبر علیه السلام
✍️ زبدة الاشعار ✍️
?: @nohe_torki
مرحوم میرزا عبدالوهاب حقیر خوئی
قانه باتوب بو کاکل عنبر فشان اوغول
اولموش خدنگ دشمنه سینون نشان اوغول
سالدی بو حاله هانسی ستمگر سنی , نه چوخ
بیرحم و بیمروتمیش کوفیان اوغول
بیر جای بوسه بو هامی اعضاده قالمیوب
باشدان ایاقه یاره دی السون آنان اوغول
چوخدور یاران که قان آپاروب یا که یاتموسان
گر یاتموسان , گوز آچ یوخودان بیر اویان اوغول
بیر بیر خدنگ لر اورگیمدن دلوب گیچوب
هر نه ووروبلا سینه وه تیر وسنان اوغول
کامه یتیشمه سون سنی ناکام الدورن
السون گوروم جوانلاری سن تک جوان اوغول
قویدون گوزومده حسرتیمی روزگارده
هانسی جوان ویروب بیله حسرتله جان اوغول
عالمده چوخ جوانی الن دلشکسته وار
اولماز بو نار هجره منیم تک یانان اوغول
سن بی وفا دگلدون ازلدن سبب ندور
اولدون بو نوعیله منه نامهربان اوغول
گیتدون اوزون منی ایلدون هجره مبتلا
سندن صورا اولور ایشیم آه و فغان اوغول
باشه سالوب قرا , همی بویارام قانه اللری
اولسون منیم الیمده بو قان ارمغان اوغول
اشکیله لاله گون ایدرم منده رنگیمی
همرنگ اولاق , قارشسون او قانه بو قان اوغول
#اکبریه_شهادت
#حقیر_خویی
#قانه_باتوب_بو_کاکل_عنبر_فشان_اوغول
#ترکی
✍️ #زبدةالاشعار ✍️
?: @nohe_torki
نظر دهید