لای لای بالام لای لای
.
.
علی شهودی
.
.
لایلای اوره گیم دردینه درمان بالا لایلای
غربتده غریبانه وئرن جان بالا لایلای
.
اکبرکیمی باتدین قانا میدان بلاده
وئردیم سنی من زینبه قربان بالا لای
.
بیلمم سنه لایلای اوخویام هانسی دیلیله
ریحان بالا ترلان بالا جیران بالا لایلای
.
گل بیر قاپیدان گیر بویوون قربانی اوللام
ای گلشنیمه سرو خرامان بالا لایلای
.
جنتده سر سفرۀ احسان امامه
خالق ائلییب روحووی مهمان بالا لایلای
.
سن عزم سفر ائیلدین اوچدون ائوین آباد
ائتدین بو یازیق کونلومی ویران بالا لایلای
.
گل بیر گئجه گیزلین یوخوما یوخلا منی گور
اولدوم نئجه هجرینده پریشان بالا لایلای
.
سال قوللاروی بوینوما گویلوم اله گلسین
دیندیر منی جانیم سنه قربان بالا لایلای
.
«تبریزده» جلالیه سنی ائتدیله تشییع
هم دوتدولا بیر شام غریبان بالا لایلای
.
تک من آناوی ائتمه میسن زار و نواخوان
لایلای چالیر ایندی سنه ایران بالا لایلای
.
ای شهد شهادتدن ایچیب کامه چاتان یات
قاسم کیمی ای غسلی اولان قان بالا لایلای
.
.
#زبدةالاشعار 
: @nohe_torki . مرحوم سعدی زمان . ایلینده قتلگهده شاه دین راز و نیاز بارگاه قدسدن سس گلدی گویا ایتمه ناز . باخما آغلور زینب کبری حبیبی یاحسین گل یولونبیشتر
نظر دهید