مسموم اولوبدی باقر عالم گلوب نوایه #باقریه_غفاری_زنجانی

نوحه راجع به شهادت امام محمد باقر علیه السلام
..
..
..
حاج اکبر غفاری زنجانی
..
..
..
مسموم اولوبدی باقر عالم گلوب نوایه
اوغلون عزاسیدور گل یا فاطمه عزایه
..
..
..
جنتده گل عزایه جان وردی باقر اوغلون
هر مشکلات و درده دنیاده صابر اوغلون
یار‌ و معین امت قرآنه ناصر اوغلون
رونق ویرن بو دین و آئین مصطفایه
..
..
..
ایله خبر ئوزون سن آل عبایه گلسون
هم با وفا آناسی ماتم سرایه گلسون
باجادی اهل جنت یکسر نوایه گلسون
ارض و سما بورونسون بوغصه دن قرایه
..
..
..
مظلوم اولوب نقدری گور بو امام معصوم
اولدی هشام الیله پیغمبر اوغلی مسموم
ایتدی شهادتنده اهل جهانی مغموم
افغان سسی بو یردن اوج ایتدی نه سمایه
..
..
..
بوینوندا شال ماتم آغلار امام صادق
گیتدی آتاسی الدن تلخ اولدی کام صادق
احبابه، دوستانه اولموش پیام صادق
ایتسون نوا محبّان بو غملی ماجرایه
..
..
..
جان ویردی یار قرآن رخنه یتشدی دینه
ماتم سرایه دوندی شهر وفا مدینه
تیره ترابه گیتدی اول ماه بی قرینه
ابر محن سالوبدی کل جهانه سایه
..
..
..
گرچه اولوبدی مظلوم محبوب هر دو عالم
اولسا نقدری مظلوم اولماز حسین مسلّم
آغلار ئوزی او حضرت بو محنته دمادم
یعنی حسین شهید مظلوم کربلایه
..
..
..
«غفاری» سنده آغلا بو درد جان گدازه
یثربده دورت امام مظلوم پاکبازه
واقفدی کیم بوسرّه هر کیم گیدوب حجازه
گونلر ایوینده قالموش دورت قبر یوخدی سایه
..
..
..
#باقریه #غفاری_زنجانی #باقریه_شهادت #ترکی #زبدةالاشعار