شهادت حضرت علی اکبر(ع)
.
.
مرحوم بیضا اردبیلی
.
.
گوردی گلور اکبر واریدی یاره باشیندا
لیلا ایلدی معجری صد پاره باشیندا
.
.
سالدی اوغولون بوینونا قول باتدی ملاله
الله بیلور دوشدی او بیچاره نه حاله
گوردیکه اونون قانی آخوب هاشمی خاله
جدول چکوب اول صفحۀ رخساره باشیندا
.
بیر آه چکوب سؤیلدی ای ماه جبینیم
باغلانماقی بو قوللاریمون اولدی یقینیم
سندن صورا بیلمم منیم ای نور دو عینیم
واردور نه بلالر من بیچاره باشیندا
.
.
یوخ سو قوریان لبلرین اصغر امر آغلار
زاره گتورر عالمی شام و سحر آغلار
بیچاره آنا اوغلونا لایلای دییر آغلار
آهسته ویرار باشینه گهواره باشیندا
.
.
ووردی ایکی اللی باشینا گلدی فغانه
لاله کیمی گوردی بویانوب قرمزی قانه
دوندردی بو غم قامت لیلانی کمانه
بیر یارۀ دیگر گوروب اول یاره باشیندا
.
.
واریدی امیدیم سنی داماد ایلیم من
طوی حجلووه زینت وئروب آباد ایلیم من
هانسی یارووا من سوله فریاد ایلیم من
قاندان واریدی گور نجه فوّاره باشیندا
.
.
گل سینمه قوی باشووى قان ایلمه سون جوش
حسرتله بو لیلائیله اول بیرجه هم آغوش
شمع رُخوی گل على سن ایله مه خاموش
پروانه او شمعون گزر آواره باشیندا
.
.
عریان دوه اوسته آپارولّا بیزی شامه
ظلمی بو گروهین یته مشگلدی تمامه
اگنینده غل و جامه سی اوت دوتموش عمامه
حسرتله باخ اول شعله چکن ناره باشیندا
.
.
باجیلاروون قولاری باغلاندی طنابه
عمّه لروه منزل اولور کنج خرابه
لیلا على مجنون کیمی بیچاره ربابه
واردور نچه یاره دی او مه پاره باشیندا
.
.
باشون نجه گویچک دولانور نوک جداده
تحفه آپارور شمر لعین ابن زیاده
قوم ایستی هوا ایستی قالور نعشون اراده
باشون دولانور نیزۀ اشراره باشیندا
.
.
محشر گونی «بیضا» قویاجاق تاج زرافشان
جنّات جوازین آلاجاق پیر مغاندان
والله ایده جکدور ید بیضانی نمایان
سیر ایلیه جک اون ایکی سیّاره باشیندا
.
.
#اکبریه #بیضا_اردبیلی #اکبریه_شهادت #ترکی #زبدةالاشعار
نظر دهید