مسکینم توپراق لار اوستی کنج ویراندور ای عمه #حضرت_رقیه_اشکی_تبریزی

زبانحال حضرت رقیه (س)
خطاب به حضرت زینب (س)
..
..
#سبک_ای_ویرن_ویرانه_یرده … عمه بو ویران سراده …
..
..
اشکی تبریزی
..
..
..
..
..
مسکینم توپراق لار اوستی کنج ویراندور ای عمّه
پرده پرده غملی گویلوم غنچه تک قاندور ای عمّه
..
..
..
..
..
من که ائتموشدوم ازلدن رختخواب نازه عادت
گور ایده بوللم قوری توپراقلار اوسته استراحت
بس دگول بو غم ایدور شام اهلی باخدیقجا شماتت
دل یاراسی چوخ یاماندور سانما آساندور ای عمّه
..
..
..
..
..
بی مروّت شمر الینده شام اولوب گوندوز گوزومده
چکموشم نه قدر محنت شرح ایده بولمم ئوزومده
حالیمی ایلر حکایت ضربت سیلی یوزومده
صورتیمده شرح حالیم گور نمایاندور ای عمّه
..
..
..
..
..
گلشن عمروم بهاری آز قالور یتسون خزانه
جسمیمه از بس ووروبدور ساربانلار تازیانه
ایمدی ده وار قوللاریمدا قمچیدن نیلی نشانه
مرگیمه بو درد و غم لر عمده عنواندور ای عمّه
..
..
..
..
..
بلبل بشکسته بالم دوشموشم آیری گلیمدن
اکبر گل صورتیمدن اصغر شیرین دلیمدن
قلبیمی غم دولدوروبدور بو خرابه منزلیمدن
شعلۀ آهیم چراغیم ، شغلیم افغاندور ای عمّه
..
..
..
..
..
بو گجه جان اوستیم من ای عزیز جانیم عمّه
بی سبب عرشه اوجالمور ناله و افغانیم عمّه
مدفنیمدور حشر اولونجا منزل ویرانیم عمّه
جسمیمه مسکن خرابه باغ رضوان دور ای عمّه
..
..
..
..
..
دور ایاقه ایله چاره من یتیم دلفگاره
باشه دئ قاره لچک لر تازه دن سالسونلا قاره
باشیمی قوی سینَن اوسته عمه جان گتمه کناره
جان وئروم آسوده بلکه وقت هجراندور ای عمّه
..
..
..
..
..
بو قوری یرده دمادم غصّه دن دل قانه دولدی
باد ظلم اسدی سراسر گل سارالدی غنچه سولدى
ایلدیم رؤیا بابامی مقصد دل حاصل اولدی
وئردی بیر مژده او مژده وصل جاناندور ای عمّه
..
..
..
..
..
رشگ جنت ایلموشدی ایمدی بو ویران سرانی
لطفیله سالموشدی یاده بو اسیر کربلانی
من سئوال ائتدیم بابامدان اکبر شهزاده هانی
سویلدی وصله یترسن هجره پایاندور ای عمّه
..
..
..
..
..
« اشکیا » بو نوحه نی سن اوندا کی ائتدون کتابت
شامده قبرین ایدوردون هر گجه گوندوز زیارت
حمد لِلَّه اولدی حاصل ایسته موشدون هر نه حاجت
قافیه اولدی بو سوزده ، شغلیم افغاندور ای عمّه
..
..
..
..
..