نازلی یارالی سود امر جانیم اولا فدا سنه #اصغریه_اعظمی_تبریزی

زبانحال حضرت رقیه (س) برای حضرت علی اصغر (ع)
در کوچ از کربلا
..
..
..
..
..
#سبک_ای_حرمینه_ناز_ایدن … 4 سبک … واردی باشیمدا یا حسین … عطری گلور محرمین …
..
..
..
..
..
مرحوم اعظمی تبریزی
..
..
..
..
..
نازلی یارالی سودامر جانیم اولا فدا سنه
شامه گیدور باجون گلوب نی تک ایده نوا سنه
..
..
..
..
..
هانسی نوالی عندلیب بیله چمندن آیریلار
بلبلی قویسالار مگر سرو سمندن آیریلار
گور باجوا گران دگل جبریله سندن آیریلار
قویمادیلار دویونجا بیر آغلاماقا اخا سنه
..
..
..
..
..
گلشن غمده بیر گلوخ هر گل و غنچه دن باشوخ
ناقه ده من جداده سن شامه یتینجه یولداشوخ
عشقمزی گورن بلر بیز نجه باجی قارداشوخ
عشقده آفرین منه حُسن ده مرحبا سنه
..
..
..
..
..
بو ره عشقده گرک سن کیمی امتحان ویرم
دلدہ کی گیزلین عشقیمی عالمه من نشان ویرم
کُنج خرابه ده بابام تک قوری یرده جان ویرم
باد صبا خبر ویره حالیمی جابه جا سنه
..
..
..
..
..
بیر اربعین مزاریوه هامی گلور زیارته
من که گلنمرم یتم بیر عمر تا سعادته
من سنی گورماقیم علی قالدی داخی قیامته
حشره دین اولدی خوابگه وادی کربلا سنه
..
..
..
..
..
سن یاتاسان او یرده کیم باجون ایدردی خواب ناز
نازیله بسلیوب منی او سینه ده شه حجاز
یاتان یرون فداسی من تاپموسان عالی امتیاز
وار یری غبطه ایلسون سربسر انبیا سنه
..
..
..
..
..
بو قانلو گلشنین علی گللری پاره پاره دور
غنچه سی سن، قزل گلی اکبر ماه پاره دور
هانسی بالایه گور آتا سینه سی گاهواره دور
قبرده لای لای دیر شه اوزی مطلقا سنه
..
..
..
..
..
ایده لّه آلتی گوشه قبر قانه بابام یاتان یری
سینه سینه آلار سنی او قبر اولار آتان یری
عرش برینه ویرمرم من على سن یاتان یرى
گورنجه شان و رتبه دور لطف ایلیوب خدا سنه
..
..
..
..
..
گیت گله نازیله علی سینۀ شهده هوشه سن
باخما ستمله سولموسان خرمن عشقه خوشه سن
شیعه لرین امیدی سن روز جزایه توشه سن
حشرده آغلاماز یقین ساخلاسا کیم عزا سنه
..
..
..
..
..
رخت علایقی نجه بو جسمدن سویوم گیدوم
نعشوی قوملار اوسته من بو حالیله قویوم گیدوم
جسمده یوخ باشون اوپوب گل یوزیوی دویوم گیدوم
قوی باری حلقوی اوپوم جانیم اولا فدا سنه
..
..
..
..
..
گلگیله قول بویون اولاخ دلده کی مقصده یتاخ
کنار نهر علقمه ، آلوم قوجاقیمه گیداخ
بوغازون اوخ یاراسینی عموما بیر نشان ویراخ
گوره نه ظلم ایدوبدولر بو چولده اشقیا سنه
..
..
..
..
..
بیرده دیوم رقیه دن بو آز زماندا دویماسون
یارالی جسمدن داخی رخت علاقه سویماسون
یولدا منه بو شمردون قمچی ووراندا قویماسون
دییوم عمو ترحم ایت ایلورم التجا سنه
..
..
..
..
..
اعظمی خالقون سنه توجه ایلیوب اوزی
تائید اولوبدی گوئیا اوندا یازاندا بو سوزی
رسمدی شاهزاده ده چوخ اولی نوکرین گوزی
اشگیله نوحه یاز ویرر روز جزا جزا سنه
..
..
..
..
..