نه سبب جمالیوه سیل تک آخوری سرشک ترون بابا #عباسیه_انور_اردبیلی

در شهادت حضرت ابوالفضل
سوال جواب امام علیه السلام با رقیه علیها السلام
..
..
..
..
..
#سبک_بالام_آغلاما_گلوم_آغلاما … سن آت اوسته پای پیاده من … دولانور علی قزی مقتلی …
..
..
..
..
مرحوم انور اردبیلی
..
..
..
..
نه سبب جمالیوه سیل تک آخوری سرشک ترون بابا
عمومون باشندا نه وار بیله چوخالوب غم و کدرون بابا
..
..
..
..
بو گونیله گون ایلیوب طلوع سنه کربلانی ایدوبله تنگ
توکلوب جوانلاروون قانی ایلیوبدی تپراقی رنگ رنگ
نفرات شامیله کوفه نی عجبا جری ایلیوب بو جنگ
اولارون سانی چوخالور ولی آزالور سنون نفرون بابا
..
..
..
..
گیجه ترک ایدنده مدینه نی بوشالاندا ظلمله مسکنون
نه جلالیمیز واریدی بزیم نوجوانلارون واریدی سنون
اورگیم اولاردی باخاندا شاد ایله باصفائیدی گلشنون
سنی مبتلا بیزى دربدر ایلیوبدی بو سفرون بابا
..
..
..
..
اینانوبدی کوفه جماعتی نه خدا نه دین و نه مسلکه
قوناق ئولدورللرایدوب بیزه بو دیاری صحنۀ مهلکه
سو گتورسه صاحب پرچمون سو یولون کسن چتین ال چکه
قوشون اهلنون نظری بودور آرادان گیده اثرون بابا
..
..
..
..
نگراندی بسکه خانم بی بیبم منی گوندروبدی قباقوه
هدفیم دگل سنه ناز ایدم آلاسان و یا که قوجاقوه
دی گوروم عموم نه زمان گلور گتورور سو عورت اوشاقوه
بالا قزلارون نظری بودور بویور اولسا هر خبرون با با
..
..
..
..
قوریوب دوداقلاریمیز یانور نجه که اود اوسته یانار کباب
دیریلیکدن ال چکوب عترتون بوریوب اورکلری اضطراب
أوزادوبدی خیمه ده قبلیه علی اصغرینی آنام رباب
او قدر سوسوز دوداقین اموب یورولوبدی صود امرون بابا
..
..
..
..
او زمان که ایستدی آیریلا گیده کار زاره او بی بدیل
قوربان دوداقیمی گوستروب دیمیشم اونا عمو الدخیل
دولی مشگیله گله عهد ایدوب اَنه تلّى سسلنه السَّبیل
هامودان قاباق منه سو ویره او جوان خوش نظرون بابا
..
..
..
..
ایاقین قویاندا اوزنگیه منی مطمئن ایلدی سوا
باشما یغوب بالا قزلاری عمومی اوزوم ایلدیم دعا
گھی خیمه گاهده اگلشوب چخورام گهی باخورام بولا
من أوزوم نه تک تلسور هامی گله اول وفا سیرون بابا
..
..
..
..
بو علم که شقه سی سربسر بویانوبدی قانه کیمینکدور
نه قدر اوخا اونی اشقیا ایلیوب نشانه کیمینکدور
منه باخموسان اونا هی باخوب گلوسن فغانه کیمینکدور
عمومون لواسنه بنذیور سنوب اولما شاه پرون بابا
..
..
..
..
اگر ئولسه صاحب پرچمون چاغوروم گله خانم عمه می
گورورم مناده یورولموسان اونا ویر بو بیدق ماتمی
قوشونون قالوبدی مگر سنون کمک ایلیه آلاپرچمی
سحری نهاره یتورمه میش بوشالوبدى دور و برون بابا
..
..
..
..
بویانوبدی قانیله گل یوزون دوداقوندا وار قان علامتی
عمومون مگر شهدا کیمی واریدی بدنده جراحتی
میره یخسا کوفه لیر اگر او همای اوج شهامتی
سنه صبر مرحمت ایلسون اوزی حیی دادگرون بابا
..
..
..
..
سنی عمه مون جانی بیر دانش سارالوب نه علته صورتون
نیه باخموسان یوزومه منیم نیه یوخدی صحبته رغبتون
بو گیدش گلیشده نه گورموسن خم اولوبدی بیر بیله قامتون
ایاق اوسته دوز دورا بلموسن ایله بیل سنوب کمرون بابا
..
..
..
#عباسیه #انور_اردبیلی #عباسیه_شهادت #ترکی #زبدةالاشعار