نه عاشقم بو گلستاندا یاس و یاسمنه #حسینیه_مصیبی_تبریزی

«اسیر عشق حسینم حسینیدن دی منه»
..
..
..
مصیبی تبریزی
..
..
..
..
نه عاشقم بو گلستاندا یاس و یاسمنه
نه طاقتیم اوتا واردورنه سوزش ومحنه
نه حسرتم می و جامه نه نافۀ ختنه
نه قُمریه هوسیم وار نه زاغ و نه زغنه
«نه رغبتیم گوله واردور نه بلبل وچمنه
اسیرعشق حسینم حسینیدن دی منه»
..
..
..
..
او دم کی جام شرفدن ایچوب خمار اولارام
او گون کی پنجه طاغوتیلن شکار اولارام
او لحظه ای که کمند غمه حصار اولارام
ویا کی آتش هجره یانوب دچار اولارام
او دم سراچۀ قلبیم گلر بئله سخنه
«اسیرعشق حسینم حسینیدن دی منه»
..
..
..
..
بیری اسیر هوی دی اونا هوس خوش اولار
شکسته شهپریچون گوشه قفس خوش اولار
بالیق سودان آتیلان لحظه ده نفس خوش اولار
اوکس کی درده دوشوبدور اونا بوسس خوش اولار
دیئر نه لذتی واردور بو سوز دوشه دهنه
«اسیرعشق حسینم حسینیدن دی منه»
..
..
..
..
بیرعده قائم اولاندا شکست اولار بیریسی
اسیر جرعه جام الست اولار بیریسی
خیال روی نگاریله مست اولار بیریسی
گئدوب نگارائوینه پای بست اولار بیریسی
منیم نگاریم حسیندی فدا او بی کفنه
«اسیرعشق حسینم حسینیدن دی منه»
..
..
..
..
منیم گولوم بیلوسوز هامّی گوللرین گوزیدی
او یئر کی اوردا یاتوبدورسوزی ئورک سوزیدی
بهشتی آختارانا دی بو یئر بهشت ئوزیدی
بو گول ستاندا کی گوللر همیشه قرمزیدی
فدا بو یئرده کی گولدن گلاب عشق ایچنه
«اسیرعشق حسینم حسینیدن دی منه»
..
..
..

نه گویده شمس ضحایه نه آیه مشتریم
نه مشعر و نه منا و صفایه مشتریم
نه مرهم و نه ضَماد و دوایه مشتریم
بیرآلتی گوشه لی صحن وسرایه مشتریم
بو سوزلری دیئرم صحنینه گلوب گئدنه
«اسیرعشق حسینم حسینیدن دی منه»
..
..
..

بوسینه اوج صفایه گلنده سسلرحسین
چمنده بلبل دستان گولنده سسلرحسین
بو شیعه لر ره عشقی بولنده سسلرحسین
قسم حسینه کی شیعه ئولنده سسلر حسین
سئوال قبری ائدنده گلر بو دیل سخنه
«اسیرعشق حسینم حسینیدن دی منه»
..
..
..

یتور منادیه؛ ایستور ئورک نه لر سندن
نه گویده اولدوزی اولسون نه بیرقمرسندن
نه تخت سلطنت ایستور نه تاج سر سندن
عُمربویی بونی ایستر بو شیعه لر سندن
بو غربت عالمینین سوزلرین یتور وطنه
«اسیرعشق حسینم حسینیدن دی منه»
..
..
..

نه بی حیادی وجودیم نه بیدل وبصرم
فقط اسیر حسینم بو عشقیدن اسرم
قلمله چپ باخانینون نسلینی یازوب کسرم
منم گدای حسین وحسیندی تاج سرم
سوزوم بودور رسن بخته قسمتی دوزنه
«اسیرعشق حسینم حسینیدن دی منه»
..
..
..

نه گوزتیکوبدی«مُصَیّب»برات ومرحمته
نه گویلو واردی مدال و مقام ومرتبته
نه فخر ائدور جبروت و جلال و منزلته
نه فکر ائدور بو جهاندا حساب آخرته
فقط دیور من ئولنده یازون بونی کفنه
«اسیرعشق حسینم حسینیدن دی منه»
..
..
..

..
..
..
#حسینیه_مدح #حسینیه
#آرزوی_کربلا #کربلا
#نه_عاشقم_بو_گلستاندا_یاس_و_یاسمنه
#اسیر_عشق_حسینم_حسینیدن_دی_منه
#مصیبی_تبریزی
#ترکی
#زبدةالاشعار