آمدن ذوالجناح از قتلگاه به خیمه‌گاه
.
✍️ زبدة الاشعار ✍️
?: @nohe_torki
.
مرحوم حاج عبداله رضایی ( غمکش )
.
نه گوردی اهل حرم ذوالجناحی واویلا
گلور خیامه ساری زینی اوسته یوخ مولا
چاغیردی اهل حرم اوندا جمله یا زهرا
بیری دیوردی الهی اورک یانان گوندی
بیری دیوردی بیزی چوللره سالان گوندی
.
باتوبدی کاکلی قانه سرشکی چون باران
خیام وتل آراسیندا اولوبدی بیر طوفان
یخلدی تپراقین اوسته او یئرده اُول حیوان
دیردی هاردا قالوب صاحبون عزالی حرم
یاغیر بلا یره گویدن بورودی عالمی غم
.
وفالی مرکبی آلدی آرایه اُول بالالار
نه گوردولر ویروری قان اولاله گون یارالار
او حیوانا اوقدر اوخ دگوبدی قانی یالار
حسینون اهل و عیالی قیامت ایله دیلر
چولین مباح سوووندان حسینه ویرمدیلر
.
سواره گیتدی حسین گلمه‌دی اورکلر اسیر
دوگوبدی باشینه یکسر او یرده خرد و کبیر
حسینه بیلمدی لشگر که یوخدی آیری نظیر
ووروب یخبلار یره عرشه قوزانوب آهی
عطشدی یوخ بو غریبون بو یرده دل خواهی
.
ستاره‌لر کیمی یاره دگوبدی پیکرینه
دولوبدی ئوز قانی باری یارالی گوزلرینه
ساتاشدی گوزلری شمرین او قانلی خنجرینه
سو ایچمیوبدی لبی چون یانور حرارتدن
باخوردی علقمه ساری او دمده حسرتدن
.
عزالی خواهری تل اوستن اندی میدانه
حسینی سسلدی ووردی ئوزونی طوفانه
چاغیردی قارداشینی سینه‌سی یانا یانه
دیوردی غملی دیلیم غصه دن سیخلدی حسین
سسیمه سس ویر عزیزیم ایویم یخلدی حسین
.
#ذوالجناح
#غمکش
#نه_گوردی_اهل_حرم_ذوالجناحی_واویلا
#زمزمه_های_محرم_غمکش
#ترکی
.
✍️ #زبدةالاشعار ✍️
?: @nohe_torki
نظر دهید