زبانحال حضرت مسلم علیه السلام
.
✍️ زبدة الاشعار ✍️
.
🆔: @nohe_torki
.
#سبک_سو_یوخومدی_قزلاروندان …. 5 سبک
مشابه
.
.
کریمی مراغه ای
.
هارداسان گوزوم یولوندا
قالدی انتظار عم اوغلی
مسلمی آلوب آرایه
قوم نابکار عم اوغلی
.
.
یوخدی بیر نفر مسلمان رحم ائده بو حال زاره
ایمدی باشیمی کسرلر نعشیمی چکلّه داره
پیکریم اولار دوباره مسکنیم شها قناره
قتلیمه چکوبدی قاتل تیغ پُر شرار عم اوغلی
.
.
نه یانیمدا بیر باجیم وار خشکه بند ائده یارامی
نه آنام نه بیر قیزیم وار باشه باغلاسین قارامی
قویموشام شریح ائویندن منتظر ایکی بالامی
اولدیلار اولاردا من تک محنته دچار عم اوغلی
.
.
گل هرایمه عم اوغلی گور بو شور و انقلابی
دوشمیشم بیر اوزگه حاله یوخدی یاره مین حسابی
باشیمی کسنده قاتل آچ قولومداکی طنابی
خاک پایوه ائدیم من جانیمی نثار عم اوغلی
.
.
اهل کوفه دوت طرفدن قویدی اوخلاری کمانه
ائتدیلر بو بی پناهی تیر محنته نشانه
یاره دگدی هر طرفدن پیکریم بویاندی قانه
قان آخوب آپاردی مندن صبر و اختیار عم اوغلی
.
.
گون ووروب زره قیزیشدی یاره لر ائدوب اذیت
اود دوتوب اورک آلیشدی بیر کس ائتمدی حمایت
عجزیله سو ایستینده دشمن ایلدی شماتت
قان آخوب آپاردی مندن صبر و اختیار عم اوغلی
.
.
بیر نفر گوروب سوسوزدان یوخدی طاقتیم قیامه
دولدوروب سو جامین الده رحم ائدوب بو تشنه کامه
سو دوداقیمه دگنده دیشلریم توکولدی جامه
قسمت اولمادی بو زاره آب خوشگوار عم اوغلی
.
.
قاتلیم الینده خنجر قویموری دورام ایاقه
باغلیدور قولوم قفادن یوخ الیم وئرم قباقه
ایمدی نعشیمی بو ظالم بامدن سالار اشاقه
کیم ائدر کفن بو جسمه کیم قازار مزار عم اوغلی
.
.
کوفه ده آدامسیزام من بیر سسیمه سس وئرن یوخ
حنجریمده قانلی خنجر حال زاریمی بولن یوخ
دوره می آلوبدی لشگر بیر هرایمه گلن یوخ
گوزلرم گله نجفدن شیر کردگار عم اوغلی
.
.
لطف ائله گل آچ حسینجان بیر طنابی قوللاریمدان
گور نه نوعی چشمه چشمه قان آخور یارالاریمدان
غربت ایچره اول مواظب نازنین بالالاریمدان
قویما بو ایکی یتیمی دشمن ایچره خوار عم اوغلی
.
.
دلده چوخدی اشتیاقیم گل یوزون گوروم دوباره
نیلیوم الیم یتیشمور وار علاقه یوخدی چاره
ایلورم بو بامین اوستن بیر سلام او شهریاره
من او بلبلم گولومدن دوشموشم کنار عم اوغلی
.
.
غبطه ایلوری ملکلر من یتیشدیقیم مقامه
ایمدی انبیا باخورلار صاق عرشدن بو بامه
من شهیدلر ایچینده یتمیشم عجب مرامه
اوّله یازیلدی آدیم قیلّام افتخار عم اوغلی
.
.
حاجیلار کسنده قربان رسمیدور سو گوسترورلر
قاعده بودور ذبیحی رو به قبله دوندرورلر
مسلمی نه رو به قبله دوندروب نه سو وئرورلر
کوفیان ائدور او رسمین عکسین آشکار عم اوغلی
.
.
اوچ یره ائدورله قسمت رسمیدور کسنده قربان
ایمدی اوچ بؤلر یارالی نعشیمی بو قوم عدوان
پیکریم اولار دو نیمه نیزه ده باشیم نمایان
راضیم ره وفاده یتسه هر فشار عم اوغلی
.
.
نوکروندی بو«کریمی» فخر ائدر بو خدمتیله
جان وئرنده باشی اوسته سایه سال محبتیله
قلب مضطرین سؤویندیر وعده ی شفاعتیله
بیتینه جزاده وئر بیر بیت زرنگار عم اوغلی
.
.
.
#هارداسان_گوزوم_یولوندا_قالدی_انتظار_عم_اوغلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید