هر‌ ‌‌جلوه‌ ‌‌ایدن‌ ‌گون‌ کیم‍‍ی‌ ‌‌پرتو‌ ‌‌فکن‌ ‌اولماز‌ #حیدریه_حسین_ساکت

نعمت‌ ‌ولا‌یت‌ ‌
..
..
..
ساکت خسروشاهی
..
..
..
هر‌ ‌‌جلوه‌ ‌‌ایدن‌ ‌گون‌ کیم‍‍ی‌ ‌‌پرتو‌ ‌‌فکن‌ ‌اولماز‌
مین‌ ‌لر‌،‌ ‌آی‌ ‌اولا‌ ‌‌بیر‌گونه‌ ‌‌تای‌ شب‌ ‌‌شکن‌ ‌‌اولماز‌
..
هر‌ ‌‌عشق‍‍ی‌ ‌بوراخ‌ ‌ساخلا‌ ‌‌فقط‌ عشق‌ ‌‌علینی‌
آ‍‍لاهی‌ ‌س‍‍ؤرسن‌ ‌بئله‌ ‌‌محکم‌ رسن‌ ‌‌اولماز‌
..
من‌ ‌‌د‌یل‌ ‌‌آچالی‌ ‌وردیم‌ ‌عل‍‍ی‌ ‌‌ذکریم‌ علیدی‌
شی‍‍رین‌ ‌‌اولا‌ ‌‌آغزین‌ ‌‌بئله‌ ‌‌شیرین‌ ‌‌سخن‌ ‌‌اولماز‌
..
الح‍‍ق‌ ‌‌نه‌ ‌گ‍‍وزل‌ ‌ن‍‍ع‍‍مت‌ ‌‌عظمادی‌ ‌‌ولا‌یت
‌بونعمت‌ اولان‌ ‌یرده‌ ‌‌یقین‌ ‌‌اهرم‍‍ن‌ ‌او‌لماز
..
‌‌بنزر‌ ‌‌بو‌ ولایت‌ ‌او‌ ‌ایشقلی‌ ‌‌گونه‌ ‌‌آ‌ری
گر‌ ‌‌اولماسا‌ ‌گل‌ ‌‌غنچه‌ ‌‌آچلماز‌ ‌چمن‌ او‌لماز‌
..
زهرا‌ ‌‌و‌ ‌‌علیدن‌ ‌‌اولی‌ ‌زینب‌ اولی‌ ‌‌کلثوم‌
عصمت‌ ‌‌بیتیرن‌ ‌‌باغده‌ ‌‌زا‌غ‌ ‌‌و‌ زغن‌ ‌‌اولماز‌
..
و‌‌‌ئر‌ ‌‌یوس‍‍فی‌ ‌‌یعقوبه‌ ‌‌که‌ ‌‌مین‌ ‌‌یوسف‌ مصری‌
جنت‌ ‌‌گوزلی‌ ‌‌فاطمه‌ ‌‌اوغلی‌ حسن‌ ‌‌اولماز‌
..
اهدا ائله بیرگوز حسنه بیرگوز حسینه
هر گوز بولارا آغلاسا دشمن سئون اولماز
..
اسکندر و دارا سوزی کهنلدی توکندی
اما که حسینون سوزی هرگز کهن اولماز
..
سسله نه قدر سسلیه بولسن بو حسینی
گلبانگ حسینی کیمی دشمن شکن اولماز
..
قربان اولوم اول عاشق جانبازه که بیرده
دنیاده ائله صاحب بيت حزن اولماز
..
آدم اونا خاتم اونا عالم اونا آغلار
بوندان بیله دلدن گنه دفع محن اولماز
..
شاید او شهیدین گیدوری ایندی ده قانی
زهرا نجه گور بحر غمه غوطه زن اولماز
..
آخر اولی مجروحده بیر یا نچه پاره
بیر جسم که سانسیز یاراسی اولسا تن اولماز
..
بولمم نجه تاپدی باجیسی زینب کبرا
گورجک دئدی الحق که سنون تک ئولن اولماز
..
دوتدوم که بیزه ارثیدی حق اوسته شهادت
هیچ کشتۀ حق بیله دچار فتن اولماز
..
ای خرمن گل سن مگر اول جان جهانسان
سویلردی گورن سن کیمی گل پیرهن اولماز
..
دوزدور که گل اطرافینی گلشنده آلار خار
اما گله خار و خس صحرا کفن اولماز
..
«ساکت» چالش اشعاریوی جانسوز اولا يوخسا
هر سوز که جانا یاتماسا قیمت وئرن اولماز
..
سوز سوز اولا الماس کیمی گویده قاپاللار
حافظ سوزی بار دل صاحب سخن اولماز
..
الفاظده يوخ تاب اولا تن پوش معانی
عیساده اولان روحه مسلط بدن اولماز
..
دوز دئ، دوز اوتور، دوز یولا گئت دوز سوزه تن وئر
دوزلیق کیمی آئین محبّتده فن اولماز
..
..
..
#حیدریه #حسین_ساکت #حیدریه_مدح #ترکی #زبدةالاشعار