#عاشورا_گونی
رجز روز عاشورا
.
✍️ زبدة الاشعار ✍️
?: @nohe_torki
.
سید بشیر حسینی میانجی
.
بو گون یئتمیش ایکی گول پرپر اولدی
دیار کربلاده محشر اولدی
.
او گون کی آغلادی دنیا، بو گوندی
او غملی روز عاشورا، بو گوندی
که یعنی محشر عظما بو گوندی
خانیم زینب بو گون بی معجر اولدی
.
جفائیلن اسوبدور باد صرصر
پؤزولدی گلشن آلِ پیمبر
حسینیم وای سسیندن عرش، تیترر
ملک لر عرشیده چوخ مضطر اولدی
.
وورون ای شیعه لر زنجیر و سینه
اؤرکدن آغلیون مظلوم حسینه
حسین قربان اولوب قرآن و دینه
اوشاقلاری اسیر لشکر اولدی
.
دیون ای یار و یولداشلار! حسین وای
مسلمان باجی قارداشلار! حسین وای
قولاق وئرسوز دییر داشلار حسین وای
نه چون کون و مکان بی رهبر اولدی
.
شبیه حضرت پیغمبر اکبر
فضای حُسنیده مه منظر، اکبر
یارالی مرتضایه بنزر، اکبر
داغیلدی قطعه قطعه پیکر اولدی
.
امام مجتبانین جانی قاسم
یاخوبدور ال لره القانی قاسم
غمینده آغلادوب زهرانی قاسم
آناسی دهریده، بی یاور اولدی
.
دیون قولاّره قربان یااباالفضل
بیزی قووما قاپوندان یااباالفضل
اؤزون قیل درده درمان یااباالفضل
حسین عاشقلری بی سرور اولدی
.
سوسوزدان اؤد دوتوب اؤدلاندی اصغر
سارالدی سولدی گول تک یاندی اصغر
ال اوسته اوخلانان قرباندی اصغر
آدی اصغر مقامی اکبر اولدی
.
حسین جان! قیل توجه بو حقیره
سنی وئرّم قسم قولسوز وزیره
شفاعت ایله محشرده «بشیر»ه
اوشاقلیقدان قاپوندا نوکر اولدی
.
#عاشورا
#بو_گون_یئتمیش_ایکی_گول_پرپر_اولدی
#سیدبشیرحسینی
#ترکی
.
✍️ #زبدةالاشعار ✍️
?: @nohe_torki
نظر دهید