شهادت حضرت مسلم ابن عقیل (ع)
..
..
..
مرحوم فرهاد فکری اردبیلی
..
..
..
هر کس بلای عشقه یقین طاقت ایلمز
جام بلانی باشه چکه جرأت ایلمز
..
اوّل قدمده ترک سر و جان کیم ایتمسه
طی ایلسون مراتبینی رغبت ایلمز
..
دوز عاشقون نقدری بلا یاغسا باشینه
تاپماز خلل عقیده سی هیچ وحشت ایلمز
..
عاشق گرکدی دهریده آزاده مرد اولا
حاشا ئوزون دچار ره ذلت ایلمز
..
جانیم فدا اولا ایکی دنیاده مسلمه
چشم فلک نظیرین اونون رویت ایلمز
..
آلدی آرایه لشکر اونی شهر کوفه ده
بیلدی وفا ئوز عهدینه بو ملت ایلمز
..
فرمایش ایتدی سیز آقامی دعوت ایلدوز
ایندی ندن سفیرینه کس حرمت ایلمز
..
بو رسمیدور جهانیده مرد اولسا میزبان
حرمت ایدر قوناقه و یا دعوت ایلمز
..
بو ظلمی که سیز ایلمسوز ئوز اماموزه
شرم ایلیون نظرینی هیچ امت ایلمز
..
هر بیر حکومتی که بنا اولسا ظلمیلن
معلومیدور دوام ائله بیر دولت ایلمز
..
تنگ ایلسوز جهانیده سیز آل هاشمه
آگاه اولون یزیده حسین بیعت ایلمز
..
باش اگمیوبدی اگمز حسین شاه فاسقه
هرگز قبول ذلت او شخصیت ایلمز
..
..
..
من شاهیمون جهانیده بی باک شیریم
واردور الیمده حکمی حسینون سفیریم
..
..
..
جاهین جهاندا جاه سلیمانه ویرمرم
عشقین تمام عالم امکانه ویرمرم
..
تاج شرفدی آدی منه افتخاریدور
خاک قدومین افسر شاهانه ویرمرم
..
من پیش مرگ جان بکف آل هاشمم
فرصت جهاندا دشمن قرآنه ویرمرم
..
بیعت الین محالیدی ئولسمده دهریده
ابن زیاد فاسق و شیطانه ویرمرم
..
نور فروغ چهرۀ عباسی سر به سر
نُه کهکشان و ماه درخشانه ویرمرم
..
قولاًر اوزوندى انّى کورک قامتی اوجا
باغ و چمنده سرو گلستانه ویرمرم
..
حفظ ایله بدنظردن ابوالفضلی ای خدا
جنگ و جدلده شیر نیستانه ویرمرم
..
بیر تار موى اکبر زیبا جمالینی
بیع و شراده یوسف کنعانه ویرمرم
..
گهوارده تبسم ایدن وقته اصغری
باغ ارمده غنچۀ خندانه ویرمرم
..
شیرین زبان رقیّه سینون ناز غمزه سین
زیبا غزال جنّت و رضوانه ویرمرم
..
حیران قالوبدی چشم فلک جاه زینبه
اجلال پُر شکوهینی خاقانه ویرمرم
..
از بس غیوریدی بو خانم ذرّه غیرتین
الله بیلور که غیرت مردانه ویرمرم
..
..
..
قرآنه چون عمل ایلیور پاکزاد حسین
جانیم فدا گوزل آدینا زنده باد حسین
..
..
..
حاصل آتوبدی ال او شرف کانی خنجره
حمله ایدوبدی شیر کیمین فوج لشکره
..
شیری گورنده گلّۀ روباه رَمَ یدى
حیرتده قویدی دشمن دینی بو منظره
..
گه صاقه که صولا ایلیور حمله بی امان
فتح اولدی گاهی میمنه و گاهی میسره
..
خنجر ویراندا سسلنور ایوای غریب حسین
تنگ ایلیوبدی عرصه گهی قوم کافره
..
دیواره تکیه ایلیور هر دم او تشنه لب
تنهادی بی کمکدی باخور دوریلن بره
..
یورقون یارالیدى او دلاور اورک سوزین
عرض ایلیور چوخ حسرتیلن حىّ داوره
..
عبّاسی تز یتور منه اى حىّ ذوالمنن
وار احتیاجیم ایندی او قدرتلى اللره
..
باهم ویرک بو عرصه ده السّاعه دال دالا
بو کوفه نی دولاندیراروق صحن محشره
..
حاصل ویروبله مسلمه نیرنگیلن امان
لعنت بو چرخ کج روش و سفله پروره
..
دورت دوردن ویراردیلا داشلان او بیکسی
امداد ایدن یوخیدی او شیر دلاوره
..
بیر عده بامیدن باشینا اود توکردیلر
لعنت گله جهاندا او قوم ستمگره
..
بنده سالوبلا سیف بنی هاشمی غرض
باشدان ایاقه باتمیشدی خون احمره
..
..
..
یوخ چاره سی الینده گوروب ایتدی زمزمه
اولسون سلام محضروه یابن فاطمه
..
..
..
یوخدور بو اهل کوفه ده صدق و صفا حسین
من گورمدیم بو شهریده مهر و وفا حسین
..
پیمان شکندیلر بولارا یوخدی اعتبار
باشدان ایاقه ایشلری ریب و ریا حسین
..
یکسر سنون علیه وه دی کوفیان پست
خنجر آلوبلا اللرینه بر ملا حسین
..
قانه باتار ستمله بو چولده جوانلارون
ایللَّه اهل بیتوی غرق عزا حسین
..
گلمه بو شهره اصغرووی اوخلار حرمله
قویما اماندی اکبرووی دوغرانا حسین
..
..
عباسوی خجالت ایدلَّر ربابیدن
ایللَّه قولارین بدنیدن جدا حسین
..
رحم ایلسون گلین قزوا حیّ کردگار
قاننان یاخار طوی ایلسه باشه حنا حسین
..
قورخوم بودی که اود ویرالار خیمه گاهوه
دشمنلره اسیر اولا آل عبا حسین
..
آت سینه سینده پای برهنه اوشاقلاری
گاهی قووب گهی ویرا قوم دغا حسین
..
شیرین زبان رقیّوه کاش سیلی دگمیه
تاب ایلمز بو ظلمه او نازلی بالا حسین
..
بیر گونده زینبون داغیلار جاه و عزّتی
باشه سالار بو دشت بلاده قرا حسین
..
امکانی اولسا ایله سفر آیری بیر یره
بی رحمیدور بو کوفه لیلر گلمه یاحسین
..
«فرهاد» آغلا مسلمِ بی یاره هر گئجه
دئ دردیوی جهاندا او باب الحوائجه
..
..
..
..
#مسلمیه_فکری_اردبیلی #ترکی #زبدةالاشعار
نظر دهید