هر گون عاشورادی هر یر کربلادور مسلمین #حسینیه_کهنمویی

#پیام_نهضت_کربلا
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
سید حسین کهنموئی ( ریاضی تبریزی)
.
.
هر گون عاشورادی هر یر کربلادور مسلمین
درس عبرتدور بیوک بیر ماجرادور مسلمین
.
عقل پاکوز دور حسین بن علی سلطان دین
نفس شوموز شمر دون و بی حیا دور مسلمین
.
.
کربلانون وقعه سین بیهوده بی جا بیلمیون
صوری بیر جنگ و جدل بیر صوری دعوا بیلمیون
تا شهید اولدی حسین قطع اولدی غوغا بیلمیون
آغلاسا بو غمده عالم لر سزادور مسلمین
.
.
بیرنفر سانسیز قوشونلا ایلماق دعوا ندور
یا اولا یتمیش ایکی تن یاورو همتا ندور
قکر ایله ای آغلیان بو شورش و غوغا ندور
آنلیون بو واقعه عبرت نمادور مسلمین
.
.
بیر گون ایلردی یزید اسلام آدیله سلطنت
مسلمینی جادّۀ حقدن چخارتسون بی جهت
بو قضایانی حسین بن علی بیلدی فقط
یر یوزونده دین حقه پیشوادور مسلمین
.
.
سویلدی هرگز یزیدی قویمارام سلطان اولا
اُولمیین قرآنه مؤمن، حاکم قرآن اولا
گر ویرم جان تشنه مال و مکنتیم ویران اولا
دینه دینسیز حاکم اولسا نه روادور مسلمین
.
.
من امامم سیزلره سیزلر رعیّت سوز منه
آنلاسوز قرآن و دین اهل حقیقت سوز منه
اولماسوز مسلم بیلون اسباب زحمت سوز منه
دینیده هر بیر نفر دینه فدادور مسلمین
.
.
اورگشون مندن بو درسی درس عبرتدور سیزه
دینده محکم پایه دور عالی نصیحت دور سیزه
ایتمیون دینوزده غفلت هر نه فرصتدور سیزه
غافل اولماخلوخ بیوک بیر ابتلا دور مسلمین
.
.
هر زمان تابع اولون قرآنوزون احکامنه
حاکمین حُکمون مقیّد ایلیون اسلامنه
قویمیون سکّه ویرولسون غیر مسلم نامنه
مسلمینه بو عمل تُهمَت فزادور مسلمین
.
.
دینی انکار ایتمیونجه مقصده یتمز یزید
اولماسا شیطانه تابع کج یولا گیتمز یزید
تا منی اولدورمیوبدور سلطنت ایتمز یزید
دین و قرآنی حسینون پر بها دور مسلمین
.
.
من که ئولدوم اولدی آسوده ایدر سعی مرام
سلطنت ایلر اولار اوندا بلا مانع مقام
دینه باخماز سیزلری ایلر کنیز ایلرغلام
ایتمیون عرض اوندا یارب بینوادور مسلمین
.
.
یاد ایدون هر نه چاغیردیم گلمه دوز امدادیمه
سسلدیم من یالقوزام سس ویرمه دوز فریادیمه
باخمادوز رحم ایتمدوز بیکس اسیر اولادیمه
ایتدویقوز اعمالوزه بو بیر جزادور مسلمین
.
.
ایلدیم همّت یتشدیم پر بلا صحرایه من
حاضر اولدوم آز جماعتله بیوک دعوایه من
گلمیشم قیمت ویرم بو روز عاشورایه من
مرکز اعلان حق دور کربلادور مسلمین
.
.
سعی ایدون اسلامیدن سیزده کناره گیتمیون
هر نه ایش گورسوز خلاف حکم قرآن ایتمیون
دین سیز قرآن سیز هیج بیر مرامه یتمیون
آغلاسا دینسیز منه بی جا بکادور مسلمین
.
.
(کهنموئی) اللی ایلدور که اولوب شاعر سیزه
درس قرآنی ویروبدور ئورگدوب قرآن سیزه
چوخ چکوب زحمت ایدوب خدمت سیز اهل تبریزه
عترته قرآنه الحق آشنا دور مسلمین
.
.
#حسینیه_شهادت
#هر_گون_عاشورادی_هر_یر_کربلادور_مسلمین
#ترکی
.
.
✍️ #زبدةالاشعار ✍️
.
🆔: @nohe_torki