ورود به ماه محرم
.
✍️ زبدة الاشعار ✍️
?: @nohe_torki
.
مرحوم تائب تبریزی
.
وئردی باش حسینین، چون مهِ عزاسی
ماسوانی دوتدی، وا حسین صداسی
دوتدی شیعه‌لر ماتم
آچدیلار قرا پرچم
باشلانیب عزاسی ( 2 )
.
.
.
تک نه شیعه‌لر بو، غمده سینه داغلار
فاطمه سیزیلدار، اشک عذاره باغلار
ذکر ائدر دمادم، وای حسین وای آغلار
اوغلونون عزاسینده
غملی ماجراسینده
آغلار اوز آناسی ( 2 )
.
.
.
دل دولور بو آیدا، وصفِ غم‌فزادور
هر یانا باخیرسان، مجلسِ عزادور
وار اساسِ ماتم، هر طرف قرادور
قاره‌پوش اولوب عالم
شیعیان دوتوب ماتم
واردی غم اساسی ( 2 )
.
.
.
ئوزگه عالم اولموش، بو مهِ عزاده
چوخ اسیر نسیمِ درد و غم فضاده
نغمه‌یِ حسینی، واردی کربلاده
قان اولوب بو آی دللر
تشنه لب سولوب گوللر
قالمییب صفاسی ( 2 )
.
.
.
اولسا هانسی یئرده، گر حسین صداسی
گلسه هانسی ائود‌ن، وای حسین صداسی
یول سالار او بزمه، فاطمه آناسی
سسلنر حسینیم وای
نورِ هر دو عینیم وای
سینه ده نواسی ( 2 )
.
.
.
فاطمه سیزیلدار، گوزده قان‌یاش آغلار
عارضه آخار چون، اشگی بیرباش آغلار
سس وئرر بتوله، جمله داغ داش آغلار
غم آشیب داشیب باشدان
هِی گلیردی داغ داشدان
وای حسین صداسی ( 2 )
.
.
.
اوخ آتارلا سقّا، اوسته دسته دسته
ایلیرله ساقی، جامینی شکسته
قوللارین سالالّار، نهرِ علقم اوسته
جان وئرر فرات اوسته
تشنه لب او دل خسته
سینه‌ده یاراسی ( 2 )
.
.
.
شاهِ دین الینده، شیرخواره اصغر
تشنه‌لب سولار چون، غنچه‌یِ گولِ تر
اوخ بیچر او نازک، حلقینی سراسر
قان دورار دوداقینده
شاهِ دین قوجاقینده
جان وئرر بالاسی ( 2 )
.
.
.
دوغرار اهلِ کوفه، اکبرِ جوانی
نه جوان، نه اکبر، لیلی‌نین توانی
قانی گولشن ایلر، دشتِ نینوانی
زلفه قان یاخار لیلا
اکبره باخار لیلا
دیلده وای بالاسی ( 2 )
.
.
.
چوخ یارا وورالّار، قاسمِ جوانه
کاکُلین بویالّار، ظلم الیله قانه
آغلایار آناسی، گونده یانه یانه
سسلنر جوانیم وای
سینه ده توانیم وای
چوخ اولان یاراسی ( 2 )
.
.
.
اوج ائدر سپهره، آه و وایِ زینب
نینوانی چولقار، چوخ نوایِ زینب
هم اولار آناسی، هم صدایِ زینب
سسلنر قیزین زهرا
سس سسه وئرر زهرا
سینه ده نواسی ( 2 )
.
#سبک_دولدوروب_جهانی
.
#ورود_محرم
#قره_پرچم
#وئردی_باش_حسینین_چون_مه_عزاسی
#تائب_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید