زبانحال حضرت اباعبدالله الحسین علیه السلام در وداع
.
✍️ زبدة الاشعار ✍️
?: @nohe_torki
.
مرحوم حسینی سعدی زمان
.
ای جهان خلقت شاهکاری زینب
وی آنام بتولین یادگاری زینب
ویرمه صبریوی الدن
سالما ئوز ئوزون دلدن
ای بلالی زینب ( 2 )
.
.
ارث آپارموسان سن ئوز آناندان عصمت
مرتضی علیدن منطق و شجاعت
ئوز شهامتون گوستر
استقامتون گوستر
ای بلالی زینب ( 2 )
.
.
حال احتضاره چون دوشوبدی قرآن
من گرمدی تزریق ایلیم قیزیلقان
قوی قَدون مُحَن بوکسون
شمر قانیمی توکسون
ای بلالی زینب ( 2 )
.
.
عهدیمی یتورسم آخره اگر من
بو صغیره قیزلار سرپرستی سنسن
مایۀ قراریم سن
قیّم صغاریم سن
ای بلالی زینب ( 2 )
.
.
چوخ یاخوندی باتسون نیّر امامت
چوللره داغیلسون اهلبیت عصمت
آغلاسون بالا قیزلار
سسلسین اوغولسوزلار
ای بلالی زینب ( 2 )
.
.
ائتمیشم بو چولده بیر قیامه اقدام
تا جهاندا قالسون زنده نام اسلام
ویر باشا بو اقدامی
زنده ساخلا اسلامی
ای بلالی زینب ( 2 )
.
.
من تلاوت ائتسم نوک نی ده آیه
باشلا سنده تبلیغ اوندا اشقیایه
بولدور اهل ایمانوق
بیز فدای قرآنوق
ای بلالی زینب ( 2 )
.
.
مجلس یزیده وشسه گر گُذارون
حق کلامی اولسون اولین شعارون
قیل او کافری رسوا
صورته دوشه معنا
ای بلالی زینب ( 2 )
.
.
ایلوری او ظالم دعویِ امامت
مسلمینه ائتسون سربسر خلافت
قویما اول دنی ترسا
دینه ائتسون استهزاء
ای بلالی زینب ( 2 )
.
.
اَل آپاردی گوردون چوب خیزرانه
کفرینی بولوندور جمله حاضرانه
قالماسون نهان مطلب
یوخ یزیدده مذهب
ای بلالی زینب ( 2 )
.
.
سوگولی رقیَّم باجی قویما باخسون
خونِدل گوزوندن گُل عذاره آخسون
سعیون ایلمه باطل
ایله ینگوی حایل
ای بلالی زینب ( 2 )
.
.
ای سالان جهانه انقلاب محشر
نوکرون « حسینی » نچّه ایلدی ایستر
قبریوه گله مهمان
بو سوزی ایده عنوان
ای بلالی زینب ( 2 )
.
#سبک_دولدوروب_جهانی
.
#وداع
#سعدی_زمان
#ای_جهان_خلقت_شاهکاری_زینب
#آثارالحسینی2 ص 105
#ترکی
.
✍️ #زبدةالاشعار ✍️
?: @nohe_torki
نظر دهید