زبانحال حضرت ابی عبدالله علیه السلام به خواهرش
در شب عاشورا
..
..
..
#سبک_ساخلا_ناقه_می_کاروانیدن و … 8 سبک سینه و زنجیر … #سبک_نقش_من_چرا_نقش_ماتمه … … گل اتاقی بیر خلوت ایلیاق … گئتمرم دایان گئتمه ساربان …
..
..
..
شمس شاب تبریزی
..
..
..
گر چه ظاهراً گلشن ولا
باد ظلمیله تار مار اولار
لیک سعی و صبریله زینبیم
قیل یقین همیشه بهار اولار
..
..
..
باجی بوگیجه خیمه لرده وار
شور و شوق بی حد و منتها
خمیه یوخ ثریای عشقیدور
شرق و غربی ظلماتیدن رها
واردی بو ثریاده زهره و
هم سهیل و ناهیدیله سُها
صبح خجلتیندن قمر ولی
برج صبریدن بر کنار اولار
..
..
..
رسمیدور محبتله کو به کو
عاشق ایله معشوقی آختارار
سابق وفا اهتمامیله
قول و عهد مسبوقی آختارار
تشنه دشتیده یول ایتیرسه گر
آسماندا عیّوقی آختارار
لیک بو سوسوزلار ستاره سی
منده کی بوچشم خمار اولار
..
..
..
بو جهان فانیدی بی وفا
یوخ قراری خصلتده جیوه دور
ظاهری مزیّندی باطناً
تاب رفته بیر پیر بیوه دور
مرتضى مثالی بو بیویه
ویرماق اوچ طلاق آیری شیوه دور
هر دقیقه بو فانی دهریده
گوندوزوم گوزه لیل تار اولار
..
..
..
لولوء حیا و نجابته
سنسن ای باجی الغرض صدف
منده قلزم عصمتم ولی
منده پرورش تاپمیوب خزف
غرق اولان منیم آرمانیمه
ساحل نجاتی بولر هدف
جزر و مدّیمون اؤزگه سرّی وار
ماه محرم موج یار اولار
..
..
..
خال روی اکبرده محویدور
لیلی بس که پرگاروش عجب
سچموری وتردن شعاع لری
ایلمور خیال عطش عجب
تارموی اکبرله مو به مو
روحی ایلوری کشمکش عجب
قانیله بولور تل به تل سحر
شَدّۀ دُرِ شاهوار اولار
..
..
..
خلق ایدوبدی سیمای قاسمی
خالق ازل بس که بی بدل
روح قدسی دیوان عشقیده
ثبت ایدیب قصیده اولا غزل
علّتی اودور شاهکاریدور
چاربند أَحلى مِنَ العَسَل
ملهم اولسا گرهاتف ای باجی
شعر تا ابد شاهکار اولار
..
..
..
طفل مهد علیادی اصغریم
سیر اولوب داخی گاهوارده دن
قصدی وصل مام جنانیدور
آختارور اونی هر کناره دن
همچو نثر طغرای عشیقدور
طی اولوب نهاد و گذاره دن
علویان عالی مکین بولر
اصغریم ندن بیقرار اولار
..
..
..
چون رَباب بشکسته دور رُباب
آختارور نکیسای عشقینی
گوز یمینده غرق ایلیوب هامی
چون سفینه دنیای عشقینی
زخمۀ محبتله دیندیرور
ساز معجز آسای عشقینی
نه او نوعی مادر جهانیده
نه بو نوعیله شیر خوار اولار
..
..
..
مهر و ماه چرخ شهادتین
صبحدن اولار سیری واژگون
گورمیوب او اوضاعی مطلقاً
چشم خیرۀ چرخ نیلگون
حشریدن علامتدی اقتران
ماه اولاندا بالمرّه غرق خون
یوز یوزه قویار مهر ماهیله
هول روز حشر آشکار اولار
..
..
..
مغربه طرف سیر ایدنده گون
عمرومون گونی ایلیر غروب
قان شفق ورار مهر حسنومه
بغض حَنجریمده ایدر رسوب
روح اولار مؤذّن اذان ویرر
صون فریضه ده واجب وجوب
رو به قبله بیر سجده ایلرم
تا حبیبه ایثار ثار اولار
..
..
..
بوگیجه نولور صبح آچلمیه
خلوت ایلیه یار یاریله
سرّ عشر شهر الحرام اولا
پرده ده نهان بو قراریله
من سنیله بیر قول بویون اولام
آیدا بیز کیمی کوهساریله
صبح آچیلسا نه آی قالار نه من
همصدا سنه کوهسار اولار
..
..
..
بیر قالور فقط هفت شهریدن
درک ما بقا شهر ما فنا
نه فنا، فنا فی الله اولماقی
بو حسین بولر مایۀ بقا
ابتدا طلب، سیر قیل باجی
بو فنا ندور اولموش انتها
سرّ مخفیِ عشقی کیم بوله
پای یاریده پایدار اولار
..
..
..
تیر حرمله تیغ شمردون
نیزۀ سنان، سنگ ابن سعد
یار مژّه سی، ابروی کجی،
نیش غمزه سی هم سیاه جَعد
سالماسا منی اختیاریدن
برق اشتیاقی چو سخت رعد
حشر اولونجا کتمان محضیده
عشقیمیز یقین استتار اولار
..
..
..
بادۀ بلائیله دولدوروب
ساقی بو ولانین پیاله سین
غنچه لبلره ذرّه ذرّه سی
خوش اوتورداجاق، غصّه ژاله سین
سر دبیر میخانۀ لقا
بیزلره یازیب می رساله سین
مستیله خمار ای آنام باجی
تک به تک سحر میگسار اولار
..
..
..
فرض اولا اگر کربلا چولی
عالم تقرّبده دایره
وحدتیله کثرت میانینه
قطب بیر منم حیث سایره
نیزه لر وَتَر تیریلر شعاع
خامه کعب خون خط نایره
اول سببدن الحق فلک ملک
باشیم اوسته پرگار وار اولار
..
..
..
صبح اولونجا باری خیامیده
لااقل باجی استراحت ایت
اول ایکی گل نو شکفته وی
شیوۀ محبّتله راحت ایت
خمیه گاهیدن قتلگاهه دین
بیر قدر حساب مساحت ایت
چون صباح بو قدری فاصله
بیر سنه محل گذار اولار
..
..
..
گون باتار آسر قاره یل اودم
بول شهادته چاتدی قارداشون
صبر ایله رضای خدا بودور
توکمه عارضه قانلی گوزیاشون
الف قامتین دال اولار سنون
همچو رنگ کافوریده باشون
لیک چکمه غم رتبه ده آدون
لا کلام عندالوقار اولار
..
..
..
گنجۀ مصیباتی سعی قیل
دولدور عشقیله درّ نابیدن
بحر غمده طوفان ظلمتی
سال ثباتیله پیچ و تابیدن
شام و کوفه ده همت ایلیوب
سن حجابی قورتار حجابیدن
هر نساء کی اولسا محجّبه
دهریده سنه یادگار اولار
..
..
..
شمس شاب دامان لطفومه
بو گئجه وروب عاجزانه چنگ
بینوایه گویا جهان اولوب
بیله وسعتیله سیاه و تنگ
گل ویراخ باجی بیز نجاتینی
شاعریم بو دنیاده قالسا لنگ
خلق ایدر اونا طعنه سویلیر
شاه نوکری شرمسار اولار؟
..
..
..
..
#شب_عاشورا #شمس_شاب_تبریزی #ترکی #زبدةالاشعار
نظر دهید