زبدةالاشعار

بیر زمان ایتمیشدوز ازبر آدیمی دللرده عمه #راه_شام_محیر_اردبیلی

راه شام
زبانحال حضرت رقیه(ع)

.
✍️ #زبدةالاشعار ✍️
.
🆔: @nohe_torki
.
محیّر اردبیلی
.
بیر زمان ایتمیشدوز ازبر آدیمی دللرده عمه
بس نیه تک قویدوز ایندی سیز منی چوللرده عمه
.
.
سن منه سابق دیردون آهوی خوش منظریم سن
وار آنام زهرانین عطری سنده زهرا بنذریم سن
گلشن آل عباده سن گل نیلوفریم سن
خوشدی نیلوفر دیردون عطرلی گللرده عمه
.
.
اُول زمان که صحبتیمه ائل قبیلم مشتاقیدی
باغ عشقون بلبلیدیم بستریم گل یاپراقیدی
باشیمه سیز آند ایچردوز اوندا کی اکبر ساقیدی
نازدانه بیر قزیدیم طایفادا ائللرده عمه
.
.
یوخ سوزوم سن قورتاروبسان جانیمی دائم خطردن
نازیمی سن چوخ چکوبسن باجیلاردان عمّه لردن
ایندیکی سالدون بو غملر یورقونون گوزدن نظردن
آز زمان کئچمز گوررسن ئولموشم اللرده عمه
.
.
بیله کی دوشمیش بدنده قورخولی روحیم فشاره
تیر وحشتدن یوخوندور قلبیم اولسون پاره پاره
ایندی من ئولسم کیمیم وار نعشیمی قویسون مزاره
نیلرم قالسا کفن سیز میّتیم چوللرده عمه
.
.
بیر گُلم سمّ جفادن سولموشام سولقون چمنده
قورخودان قالخار باشیمدا توکلریم بیر سس گلنده
دیزلریم تیترر کچنده باشیمون اوستن پرنده
اگلشر محنت غباری بو قرا تللرده عمه
.
.
خورداجا قزلاره تاپشور بو سوزی سن محرمانه
سس چکوب آغلاشماسونلار ناقه اوسته یانه یانه
آچماقا قمچی بلیندن آختارور دشمن بهانه
بیزدن اوتری باغلانوبدور قمچیلر بللرده عمه
.
.
کاروانوز هر مکاندا ایلسه منزل دوباره
اول مواظب خوردا قزلار دوشمه سون گوزدن کناره
قزلاری سسله آدیلان کوچ ایدنده قیل شماره
من کیمین یاددان چخاردوب قویما منزللرده عمه
.
.
.
ابر محنتدن دوتولموش گورسون هر بیر ماهپاره
ئوپ یوزیندن وئر تسلّی قویما گلسون آه و زاره
ئولسه ده دوشمز منیم تک آشیانیندن کناره
دیدۀ لطفون گر اولسا خسته بلبللرده عمه
.
.
اینجیمه من بینوادن بو یانقلی آهه خاطر
نیزه لر باشینده غمدن اوُل دوتولموش ماهه خاطر
گل منی قورتار بو دام مرگیدن اللهه خاطر
قویما کشتیّ امیدیم غرق اولا سئللرده عمه
.
.
غم الیندن کیچدی بیرده قلبیمون دینجلمه گیندن
قورتارور عمریمده گویا جانیمون اینچلمه گیندن
ئولمه گیم خوشدور بو چولده زجر شومین گلمه گیندن
هامّودان بی رحم گوردوم زجری قاتللرده عمه
.
.
کاروانه بیرده یتسم غملریم اولماز زیاده
هر غمه قیلام تحمّل صابر اولّام هر بلاده
اولماسا یر محملوزده شامه جک گلّم پیاده
یر اگر ویرسوز اوتورّام منده محمللرده عمه
.
.
گلمرم دشمن یانیندا بیرده من نی تک نوایه
اولمارام اسباب زحمت اهل بیت مصطفایه
دوشسه سوز هر یرده امّا ایلرم سندن گلایه
گلمه دون بیر یول ایشیم دوشدی سنه ایللرده عمه
.
.
حقّدن ایستر محیّر، بیر دل آگاه و بیدار
تا اولا بونداندا آرتوخ منطق شیواسی پر بار
صدقیله هر بزم غمده یازدیرا آدین عزادار
ویرمیه عمرین فنایه آیری محفللرده عمه
.
.
#راه_شام_محیر_اردبیلی
#بیر_زمان_ایتمیشدوز_ازبر_آدیمی_دللرده_عمه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای حسینون گوزل کربلاسی #آذرین_خلخال

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی