یا مهدی
#گریز به #اربعین
.
✍️ #زبدةالاشعار ✍️
.
🆔: @nohe_torki
.
کریمی مراغه ای
.
.
گل آچدی سؤلدی فصل خزان گلدی گلمدون
شعباندا قورتاروب رمضان گلدی گلمدون
.
قالدی صباح و شام گوزوم آستانه ده
پابوسیوه دوداقیمه جان گلدی گلمدون
.
عجّل علی ظهورک یا صاحب الزمان
احبابه ورد ذکر زبان گلدی گلمدون
.
یابن الحسن یولوندا قالوب گوزلریم آقا
تاریک اولوب زمانه زمان گلدی گلمدون
.
الغوث یابن العسکری ادرکنی العجل
گوزیاشیمه قاریشماقا قان گلدی گلمدون
.
دنیا دولوبدی فتنه و فسق و فسادیله
فُسّاق الینده تنگه جهان گلدی گلمدون
.
قالدی حسین قراسی اگینلرده صبح وشام
مینلر محرّم آه و فغان گلدی گلمدون
.
هی جدّون اربعیننه باغ بهشتیدن
بیر قانلی کوینک الده آنان گلدی گلمدون
.
مینلر محرّم اولدی صفر گلدی شامیدن
زینب حسینه مرثیه خوان گلدی گلمدون
.
عرض ایلدی حسین باجون ئولسون خرابه ده
گلزاریمه سموم خزان گلدی گلمدون
.
جان وئردی حسرتیله رقیم عذاریمه
خون دل اشکیمیله روان گلدی گلمدون
.
قالدی جنازه یرده گلن باخدی آغلادی
هی ناسزایه پیر و جوان گلدی گلمدون
.
اؤز کهنه کوینگین بالاوا ایلدیم کفن
دیداره شمر گئتدی سنان گلدی گلمدون
.
نازلی بالام غریبه مزار اولدی شامیده
ویرانه دن باجون نگران گلدی گلمدون
.
هر لحظه یاحسین دئمیشم گلمیوب جواب
مین جور خیاله وهم و گمان گلدی گلمدون
.
وئردیم ازلکی عهدیمی پایانه گلمیشم
صبر ائتمیشم دونوب اورگیم قانه گلمیشم
.
هر صبح و شام شام کیمی تار اولوب منه
شام اهلینون شماتتی دشوار اولوب منه
.
هر ساعتیم بیر ایل گچوب ازبس داریخمشام
هر منزله یتیشمیشم آزار اولوب منه
.
من آغلیان زماندا دگوب قمچی باشیمه
شمر و سنان و خولی جلودار اولوب منه
.
قرآن سسون تسلّی وئروب داغلی قلبیمه
باشون جداده مونس و غمخوار اولوب منه
.
من سالک طریق وفایم یول آزمارام
پیریم همیشه قافله سالار اولوب منه
.
بازار شامه وارد اولاندا قطاریمیز
مبهوت و مات تاجر و تجّار اولوب منه
.
بش ایلده شهر کوفه ده بازار گورمدیم
گور شامیده نه فتنه لر اظهار اولوب منه
.
بیر نحویله حجابیمی حفظ ایلدیم حسین
احسن دیین گروه تبهکار اولوب منه
.
اؤز دینمون مبلّغی اولدوم حجابیله
آخر یزید مجلسی تالار اولوب منه
.
نصرانی لرده عصمتیمه مرحبا دئدی
حتی یهودی لرده طرفدار اولوب منه
.
بیر دفعه ضایع اولدی یزیدین سیاستی
دل یاره سیله حمله ی پیکار اولوب منه
.
گه باشوه جسارت ائدوب گاهی زینبه
حمد ایلرم خدایه اوزی یار اولوب منه
.
مجلسده آبروسین آپاردیم او کافرین
معناده مرتضاده مددکار اولوب منه
.
گرچه گناهی چوخ، الی بوشدور«کریمینون»
بیر عمر حسرتیله عزادار اولوب منه
.
جمله گناهی بیر یانا اشعاری بیر یانا
روز جزاده نوکریمی قویمارام یانا
.
گلماق حجازه اولمادی امکان رقیّمه
وئردیم دیار شامیده اسکان رقیمه
.
جان اوسته هی باخوب یوزومه عمه جان دئدی
هر عمه جان دئدوقجا دئدیم جان رقیمه
.
یاشی آخا آخا گوزینون آخدی گوزلری
زین العباد باشلادی قرآن رقیمه
.
نه دفن و کفنینه گلن اولدی نه یاسینه
دوتدوم خصوصی شام غریبان رقیمه
.
آهسته کهنه معجرینی چکدیم اوستونه
شام اهلی باخدی ایلدی افغان رقیمه
.
هئچ بولمدیم نه دردیله ئولدی گوزل بالام
دکتر تاپولمادی ائده درمان رقیمه
.
هر ساعتیم خرابه ده بیر ایل گچوب حسین
دشمن دمشقی ایلدی زندان رقیمه
.
نه اوچ دوتولدی نه شب هفت و نه اربعین
نه عرشه خوان تاپولدی نواخوان رقیمه
.
نسگللرین خیاله سالوب یاندیم آغلادیم
گوزیاشیمیله ایلدیم احسان رقیمه
.
ئولسون باجون تشکّره عاجزدی زینبون
گلمیشدون آخرین گجه مهمان رقیمه
.
قویدوم بیر اوچ یاشیندا نماینده شامیده
اولسون مزاری عبرت آینده شامیده
.
.
#مهدیه
#گل_آچدی_سؤلدی_فصل_خزان_گلدی_گلمدون
#ترکی
.
✍️ #زبدةالاشعار ✍️
.
🆔: @nohe_torki
نظر دهید