شهادت حضرت زهرا سلام الله علیها
.
✍️زبدة الاشعار✍️
.
🆔: @nohe_torki
.
مرحوم #معتکف
.
غم هجرونده آخِر دوشدی امریم مشکله زهرا
اُوتوردی کشتی صبریم داخی سَن سیز گِله زهرا
.
.
شرر آهیمله طاق نُه سمایه سالمیوم نیلوم
یانان داغِ دله داغ اوستونه داغ آلمیوم نیلوم
.
.
سموم ظُلم اَسوب سولدی چمنده آرزو وَردی
صفادن غنچه نی سالدی ایدوب پژمرده غم گَلدی
آلوبدور بلبلین یارای نطقین آیریلوخ دردی
یانقلی گوگلی قلب داغدار لالیه بنزر
سرشک حسرتی گول عارضینده ژالیه بنزر
.
.
حسینین ناله ی جانسوز و وا اُمّای شبگیری
حجازین چولقیوب غملی فضاسین اودلی تاثیری
هوادن غم یاغیر یوخ چرخ پیرین بوندا تدبیری
ائدر باخدوقجا غم، ظلمات مطلق هر شب تاری
اولار غم محورینده گردش گردون زنگاری
.
.
باخار نیمه نگاهیله حسن آهسته مسماره
سیزیلدار، گوهر اشکین توکر گیزلینجه رخساره
گهی خلوت ائدوب سورتَر یوزین هی درب و دیواره
چو شمع بزم غم قلبین شرارِ آهی آب ایلر
سیزیلدار، سلب آرام و قرارِ بوتراب ایلر
.
.
وفالی زینبیم آهسته وا اُمّا دیر آغلار
قویار دیواره یوز گاهی سیزیلدار، عالمی داغلار
قوجاقلار دیزلرین گَه سیل اشکین عارضه باغلار
فضای یثربی اوز دوده ی آهیله تار ایلر
نوای بی قراریله جهانی بی قرار ایلر
.
.
غم هجرون اولوب نالِیله همدم امّ کلثومه
سنق نِی تک سیزیلدار هر نفس اول زار و مغمومه
دیر ایوای آنام ایوای یارالی گیتدی مظلومه
وقاریله تحمّل ایلدی هر محنت و جبره
آپاردی سینه ده عالمجه درد حسرتین قبره
.
.
حدیث محنتین بیر دفتر غم اولدی هر سطری
دیر چوخ قصّه صحنین هر کنار و گوشه و شطری
مشامه گَه سَنون عطرون گلور گَه محسنین عطری
بیله بیر نکهت جان بخش و عطر جاودان اولماز
بیله بیر دفتر غم، بیله غملی داستان اولماز
.
.
اگر چه یاندیران بیر خاطراتیم وار نگاهوندان
ولی مجروحدور قلبیم نوای گاه گاهوندان
امان امّا چخوب صحنه گچنده قتلگاهوندان
گوزومده روز روشن آز قالار دونسون شب تاره
گیدر یغمایه صبریم، گاه قیلّام تکیه دیواره
.
.
یانان درگاهون اوزگه بیر غم و محنت ایدر اظهار
یازار هی مردمِ چشمیمده بر درد گران مسمار
قولاقه هر گچنده تازه بیر محنت دیَر دیوار
بلی خوشدور ایشیتسین صحبت دلدار جانانی
علیدن اوزگه کیمدور درک ایده اسرار زهرانی
.
.
نه تنها خانه و در گوزده رخسارون عیان ایلر
آچوب ذرّات هستی دل منه دردون بیان ایلر
آخار سو چشمه ده یاد سرشکونده فغان ایلر
گل نیلوفر ایلر گوزده روشن نقش رخسارون
گورَر هر نقطه ی امکانیده گوز عکس آثارون
.
.
پوزولدی رونقیم، گئتدی صفای منزلیم سنسیز
خراب اولدی ایویم، گچدی چراغ محفلیم سنسیز
فلک یالقیزلادی اولدی پراکنده ائلیم سنسیز
اجل بو سخت وقتیمده گلوب مندن سنی آلدی
هامی بیر مشکلین حلّالین آخر مشکله سالدی
.
.
علینی تک گوروب فوج غم و محنت کمین ایتدی
هجوم ایلوب حصار صبرینی یخدی غمین ایتدی
درونی حسرتی رخساره جاری گوزیمین ایتدی
سنان قلبی یانوب کانون آهِ آتشین اولدی
ولی الله مطلق عاقبت خانه نشین اولدی
.
.
#فاطمیه_شهادت
#غم_هجرونده_آخر_دوشدی_امریم_مشکله_زهرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید