در فراق شاعر و مداح اهل بیت (ع)
در فقدان مرحوم استاد دکتر بیدق داری
.
.
رسول بابایی (شاهد زنجانی)
.
.
گل و گلزار ادبدن گل ریحان گئتدی
قویدی آغلار ائلینی دلبره مهمان گئتدی
.
بیرق الده سوی جانانه روان اولدی یقین
آقاسین گورماقینا بالب خندان گئتدی
.
شیعه ی پاک علی یومدی گوزون دنیادن
سینه دریای غزل دیلده غزلخوان گئتدی
.
مثل شبنم توکولردی گوزونون اشک تری
اونا خاطر آقامون نوکری گریان گئتدی
.
ادبین کانی وفا محوری دل نورانی
محضر یاره قدم قویدی شتابان گئتدی
.
او هنر صاحبی باشدان ایاقا عشق و صفا
چوخ هنرلر یارادیب مرد خوش الحان گئتدی
.
غم هجرینده باتوردی غمه چوخ دوسلارینی
خادم اهل ولا سینه سی سوزان گئتدی
.
چوخ سوزی ایندیده دیللرده قالوبدور بیلورم
بزم عشاقیدن اول عارف عرفان گئتدی
.
بو دیار علوی وئردی گوزل دلبرینی
مرد تقوا و عمل مظهر خوبان گئتدی
.
یاحسین سسلدی گوز یومدی فنا دنیادن
عشق مولا ئورگینده بئله نالان گئتدی
.
شاهدم وئردی بها مکتبه چوخ سوزلریلن
آدی دیللرده قالان مفخر جانان گئتدی
.
.
#بیدقداری #رسول_بابایی #پندیات_ترکی #زبدةالاشعار
گل و گلزار ادبدن گل ریحان گئتدی #پندیات_رسول_بابایی
با تشکر از همه ی شاعران و دوستان حاج داود بیدق داری
ارادتمند و مخلص
حسین بیدق داری
سلام و احترام برادر عزیز و بزرگوار
روح پدر بزرگوارتان همواره قرین رحمت الهی