مدح حضرت ابوالفضل العباس علیه السلام
.
✍️ #زبدةالاشعار ✍️
.
🆔: @nohe_torki
.
هدایتی تبریزی
.
اوجا قامت دن اوجا همّته قربان عباس
همّته، معرفته، هئیبته قربان عباس
.
زادۀ شیر خدا، پنجه قوی، شیر ژیان
پنجه، بازو، دل پر قوّته قربان عباس
.
آل هاشم آیی، زیبا یوزو آیدان دا گؤزل
قامت سرویوه، مه طلعته قربان عباس
.
طاق ابرویه، گشاد آلنا، قرا گوزلریوه
لب شیرینوه، گل صورته قربان عباس
.
اؤزو زیبا، سؤزو زیبا، گوزو زیبا، یوزو گول
مرتضیٰ سطوت، حسن فطرته قربان عباس
.
سجده وه، سجده گهه، ذکر زبان و لبوه
صوت تکبیر و قوی نیّته قربان عباس
.
فضل و ایثار و عبادات و خلوص و ادبه
شرف و عزّتوه، شوکته قربان عباس
.
ای بصیرتده قوی، عشق و دیانتده قوی
اقتداره، هدفه، حرمته قربان عباس
.
لحن گفتاروه، اذکاروه، لطف و کرمه
حسنی حسنه، علی طینته قربان عباس
.
معرفت درسینی، دین درسینی، حیدردن آلان
سنده کی وجه و شخصیّته قربان عباس
.
محضرندن اوچ امامین ائلین کسب کمال
حسن رفتاره، صمیمیّته قربان عباس
.
سر پرشوره، کرملی الیوه، الفتوه
رأفت و رحمتوه، رفعته قربان عباس
.
شأنوه، شهرتوه، جلوتوه، خلوتوه
خُلقوه، خلقتوه، خصلته قربان عباس
.
بینش و معدلت و منقبت و مکنتوه
سلم و افتادگی و طاعته قربان عباس
.
زاهد شب، یل هیجا، شرف آل عبا
عبد صالح، نظر رحمته قربان عباس
.
ای وفا و ادب و معرفتین ملکونه شاه
قربته، عصمته، هئیثیّته قربان عباس
.
دین و ایمان و فقاهت ده نظیری آز اولان
حق قریبی، کرم و قربته قربان عباس
.
ای ظفرمند و سرافراز میادین جدل
ثار و ایثاروه، ظرفیّته قربان عباس
.
السیزه ال یئتیرن اللره، فضل و کرمه
حسن احسانوه، گرمیّته قربان عباس
.
ای علمدار حسین، حامی و سرلشگر دین
غیرت الله بالاسی، غیرته قربان عباس
.
صبری دریا، اؤزو دریا دل و دریای ادب
منبع جود و سخا، جودته قربان عباس
.
طایر جنّت اعلا، سپر تیر بلا
حشم و مرحمت و عزّته قربان عباس
.
همدم و هم قسم و هم قدم و یار حسین
قدرت الله بالاسی، قدرته قربان عباس
.
حسنونون عاشقی حور و ملک و انسیله جنّ
گل خوشرنگ جنان، نکهته قربان عباس
.
ای اوجا منزلتی مغبط فوج شهدا
سنده شخصیّت و ظرفیّته قربان عباس
.
خادم آل رسول، عشق و ارادتده اوجا
نفس آزادوه، حریّته قربان عباس
.
حق پناهنده اوجالدین اولاسان حقّه پناه
ماه اقلیم وفا، شهرته قربان عباس
.
گوهر کنز شرافت، صدف درّ وفا
قدوۀ اهل صفا، بهجته قربان عباس
.
مادحی صادق ائمّه، آدی آدلار شرفی
ای مدیحی باش اولان، مدحته قربان عباس
.
عارف کامل و سر سلسلۀ اهل وفا
جان به کف، هادم صف، حدّته قربان عباس
.
تیغ نین برقی سالان وحشته اهل ستمی
سر اعدایه شاخان ضربته قربان عباس
.
پر آچان تیر بلادن، اوخا اؤخ دا دئمین
تنده سای سز یاریا طاقته قربان عباس
.
آلنوین اوخ یئرینه، باشدا عمودون یئرینه
پیکرینده یارادان شدّته قربان عباس
.
قان دولان گوزلریوه، قانه باتان پیکریوه
دؤزدوقون یاره لره، زحمته قربان عباس
.
ال دوتان اللریوی هانسی ستمگر سالدی
قطع اولان اللره، اهلیّته قربان عباس
.
دوغرانان پیکریوه، تشنه قالان لبلریوه
حسن ایثاریوه، مردیّته قربان عباس
.
گئتدی سو طاقتوی طاق ائلدی تیر ستم
مشکوه، زحمتوه، شربته قربان عباس
.
قطعه قطعه کسیلن پیکری قربان مثلی
خئردا مقبرده یاتان قامته قربان عباس
.
سن یاتان تربت اؤزو جنّت الاعلادی آقا
سن یاتان مقبریه تربته قربان عباس
.
حرمی کعبۀ دل، عاشق دلداده سی چوخ
عشقیوه، طاعت و ماهیّته قربان عباس
.
دوت ( هدایت ) الینی قویما ایتیرسین اؤزونو
آیت اعظم حق، آیته قربان عباس
.
.
#عباسیه_مدح
#اوجا_قامت_دن_اوجا_همته_قربان_عباس
#ترکی
.
✍️ #زبدةالاشعار ✍️
.
🆔: @nohe_torki
نظر دهید