گلمیشم فریادیوه ای ماه منظر آچ گوزون #اکبریه_محمد_هوشمند

زبانحال امام حسین (ع) بر بالین حضرت علی اکبر (ع)
..
..
..
محمد هوشمند (مدهوش)
..
..
..
گلمیشم فریادیوه ای ماه منظر آچ گوزون
دور منی آغلاتما ای شبه پیمبر آچ گوزون
..
..
..
..
سسلیرم سس وئر منه ای مونس و آرام جان
بستر ائتمه کربلا توپراقینی یاتما اویان
دور منی قویما آدامسیز حالیمه یوخدور یانان
قالمیشام بو عرصه ده بی یار و یاور آچ گوزون
..
..
..
..
یالقیزام میداندا دور اوغلوم یئتیش امدادیمه
حالیوه باخدوقجا یانام یوخ یئتن فریادیمه
باشیوین گوردوم یاراسین دوشدی حیدر یادیمه
اولدی حالیم حالتیندن چوخ مکدر آچ گوزون
..
..
..
..
سن خلیل الله عشقین اولین قربانی سن
خسته سن جام رحیق کوثرین عطشانی سن
ای جوان الده ئولن حق باغینین ریحانی سن
حق یولوندا اولموسان ظلیمله پرپر آچ گوزون
..
..
..
..
جسمیوی اوراق ائدیب شمشیر کینه گل کیمی
سانجلیب اوخلار یارالی نعشیوه سنبل کیمی
اوخشیار گورسه رقیم بیر حزین بلبل کیمی
اولما راضی تا اولا مخیمده محشر آچ گوزون
..
..
..
..
دوشدی توپراقه چمنده سرو مثلی قامتین
بس که جنگ ائتدین سوسوز سلب اولدی دیلدن طاقتین
چوخ چتین اولدی منه بو حالتین بو ساعتین
ائتمیشم دیلده مکرر ادین ازبر آچ گوزون
..
..
..
..
یاتمیسان راحت ولی دردین منی ائلیور کباب
من دیلین قوربانی ناز ائتمه بو قدری وئر جواب
حق اوزی وئرسین گوروم بو قوم بی دینه عذاب
یاندی قلبیم ای گل خوشبوی اطهر آچ گوزون
..
..
..
..
سن اوغول راه حقیقت ده مرامه چاتمیسان
باده حق دن ایچیب دنیانی گوزدن آتمیسان
آغ کفن خوشرنگ اولوب اگنونده قانه باتمیسان
ئولماقین ائتمیر اورک الساعه باور آچ گوزون
..
..
..
..
گر چه جنت ده یولون جام الده طاها گوزلیور
یا که عطشان لبلری امواج دریا گوزلیور
دور گیدک مجنون اولوب مخیمده لیلا گوزلیور
خیمده گوزلور یولون بیچاره مادر آچ گوزون
..
..
..
..
صبریمی الدن آلیر دردون بو غمده آغلارام
نار هجرانینده یانام قلب زاری داغلارام
وئرسه گر لشکر امان باشین یاراسین باغلارام
درو منی یالقیز گوورور میداندا لشکر آچ گوزون
..
..
..
..
#اکبریه #محمد_هوشمند #اکبریه_شهادت #ترکی #زبدةالاشعار