زبدةالاشعار

شمع رخساروی گل خیمه ده یاندور علی گئت #اکبریه_صدری_اردبیلی

در وداع لیلا (س) با علی اکبر (ع)
.
.
#سبک_یارالی_جان_یارالی#سبک_کربلا_منتظر_ماست#سبک_شهریاریمسن_آقا
.
.
مرحوم صدری اردبیلی
.
.
شمع رخساروی گل خیمه ده یاندور علی گئت
منی پروانه کیمی باشه دولاندور على گئت
.
.
ایندی که معجریمی غرق ائلدون گوز یاشینا
قلبیمون شیشه سینی باغلادون هجران داشینا
آت مژون اوخلارینی وورگیله قلبیم باشینا
یارالی سینه می القانه بویاندور على گئت
.
.
قورخورام نطقوه یا درّدن آرتوق سؤزوه
بد نظردن یتیشه صدمه علی جان گوزوه
آل بو جان نقدینی سن ایله تصدّق اوزوه
چون تصدّقله بلا زایل أولاندور علی گئت
.
.
چوخ غنیمتدو بو ساعت علی جان دوشمز اله
آنا قربان گوزوه گل منیله صحبت ائله
بش دقیقه گل اوتور گئتمگه ائتمه عجله
فرصتون واردو بئله وقتی یوباندور على گئت
.
.
ائویمی یخدی منیم گور نئجه بو قوم ظلم
بش دقیقه سنیلن اولماقی فرصت بیلورم
گورورم گئتمگوی گلمگوی گورمیورم
من بیچاریه بو نکته یاماندور على گئت
.
.
من که اصرار ائدورم ساخلیاسان بیرجه ایاق
لاعلاجم بالا واللّهی چتین ایشدو فراق
نقدر باخسا گوزوم گوزلروه دویمیاجاق
بیر نگاهیله مگر دیده دویاندور علی گئت
.
.
یوخودور من گورورم یا علنی دور گوره سن
اگنینه گیمیش علی اکبر شهزاده کفن
دالیسیجان قاچورام یالوارورام بو دیلیلن
بو یانان بختیمی رؤیاده اویاندور علی گئت
.
.
اکبریم دردون آلوم دردوی بو جانه ووروم
حقه قربان گئدوسن سرمه او مژگانه ووروم
زلفون آشفته دگل عطر سپوب شانه ووروم
دل آشفته می خونابه بولاندور على گئت
.
.
سنی مأمور جهاد ائتمیش حسین حکمتیلن
نه بویورموش سنه جنگه گئدوسن سرعتیلن
من مخالف دگلم شاه ائلین نیّتیلن
منه بو گئتمگوون سرّینی آندور علی گئت
.
.
بیلورم کیمدو على جان منی سندن آیرور
دست خونین اجلدور سنی مندن آیرور
بلبلی گلدن او شیدانی چمندن آیرور
ایندی که آیریلوسان وصلون هاچاندور علی گئت
.
.
عاشقون اولدوم ازل زلفوه باغلاندوم اوغول
نئجه سندن چکوم ال قلبیدن اوتلاندوم اوغول
یوخ گمان گلمگوه یاندوم اوغول یاندوم اوغول
بیلمه آسان غم هجرانی یاماندور على گئت
.
.
«صدریا» نوحه یازوب ایسته نجات ابدی
اکبرون آند وئر اول وقتینه حیّ و احدى
دوتوب اکبر اتگین لیلی بیچاره دئدی
شمع رخساروی گل خیمه ده یاندور علی گئت
.
.
.
.
.

متن پیشنهادی:  ویروبله زهر جفا قان دوروب دوداقیمده #کاظمیه_رجایی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی