حالات حضرت علی اصغر (ع)
.
.
سهیلا باقریان
.
.
گؤردی هیچ کیمسه یوخ جواب وئرسین
داها هل من معین دیه ن شاهه
ایله چیرپیندی ال ایاق چالدی
لرزه سالدی خیام و خرگاهه
.
.
قاتدی لبیکه آغلاماق سسینی
درّة التاج بارگاه حسین
سالدی گهواره ده ن یئر اوسته اؤزون
آخرین افسر سپاه حسین
.
.
زرهی، حبّ شه، سلاحی بکاء
خیردا سرباز عزم جنگ ائله دی
یوخودو تیغ و تیری الده ولی
عرصه نی اهل ظلمه تنگ ائله دی
.
.
بئله حاله هراسان اولدی رباب
باخدی بیر آن قوری دوداق لارینا
گوزونو چکدی چاتلانان لب ده ن
باخدی باغلانمیش ال ایاق لارینا
.
.
بو نه حالدور آنان سنه قوربان
طفلیده بیله اشتیاق اولماز
وصل جانان اوچون قانادلانیسان
اوچماغا باغلی ال ایاق! اولماز
.
.
گوردو بی تاب اولوب او شهزاده
چکدی آغوشه یار دلخواهی
شدّت و حدّت عطشده ن اولوب
شرف الشّمس تک رخ ماهی
.
.
آخرین دفعییدی قلب رباب
همنوا چیرپینیردی اصغریله
سینه سین هی توش ائتدی سینه سینه
سانکی امّن یجیبی مضطریله
.
.
آنیا دلنشین اولار بیلیسیز
شیرخوارین گلوسینین عطری
هی اؤپر هی سوؤَر او نقطه نی چون
میه خوشدور سبوسینین عطری
.
.
دیه بیلمه م نه حالتیله رباب
شمسه تاپیشیردی اول هلال مهی
جسمی قالمیشدی خیمه گه ده ولی
دالیجا گئتدی ناگران نگهی
.
.
آلدی آغوشه شاهزاده نی شاه
چون صدف تک قوجاقدا در یتیم
غونچه نی باغبان الینده گوروب
تلینه شانه وردی دست نسیم
.
.
عمر سعدین اختر نحسی
وئردی اوز لشکرینده آرایش
ائله تیغ و سنان دوزوب یکسر
عقل ظرفینده یوخدو گنجایش
.
.
یوللیوبدور او تیره بخت غراب
بیر کبوتر مصافینه مین تیر
بالاجا غنچیه دیه نده سولار
داها لازم دییل اونا شمشیر
.
.
وجده گلمیش دامارلاریندا قانی
وصله نائل اولوب اویس قرن
بیر سه پر تیر ایله دی ناگاه
کهربا چهره سین عقیق یمن
.
.
بو هیاهوی بی امان دا بیر آن
دئدی لبیک امامینه ماموم
آق محاسینلرین خضاب ائله دی
بالا قانیله حضرت مظلوم
.
.
طاق اولور طاقتیم دیلیم یانسین
یازا بیلمیر الیم او حنجرده ن
یازا بیلمیر داها او بسمل اولان
قان آرا چیرپینان کبوترده ن
.
.
ترپه دیردی صبا او بوش بشیگی
حسرتیله دوروب توموب باخدی
گورموسوز ایلدیریم شاخاندا گویی
داریخان سینه سی اوجور شاخدی
.
.
یاناسان سود آخی نه وقتیدی
سینه سینده ن قوجاقینه آخدی
آه بس دیر سها قوتار سوزووی
غمی دنیانی یاندیریب یاخدی
.
.
ای کیچیک لیقدا عالمه سرور
عالمین نیسگیلی علی اصغر
اوز قاپیزدا بیزه پناه وئرین
من کنیزه م سیزه بالام نوکر
.
.
نظر دهید