گول بوداقینده یاتار رسمیدی هر بلبل اوغول #تنور_خولی_رجایی_تبریزی

زبانحال حضرت فاطمه زهرا(س) در #شام_غریبان امام حسین (ع)
..
..
..
..
#سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … 4 سبک … #سبک_ای_منیم_آرخام_ایلیم (با اضافه کردن واگیر)
..
..
..
مرحوم رجایی تبریزی
..
..
..
..
..
گُل بوداقینده یاتار رسمیدی هر بلبل اوغول
دور حسینیم سنه لایق دگی بو منزل اوغول
..
..
..
..
..
دور آنان فاطمه نی سالما بیله درد و غمه
پیشواز ایت قوناقون واردی خجالت ایلمه
گلموشم یاتما کول اوستونده اوغول گَل سینمه
قورتولوب دور مگر عالمده گل و سنبل اوغول
..
..
..
..
..
بیر بدن که اونا زهرا سینه سی بستر اولا
نه روا دور باشنون منزلی خاکستر اولا
قوناقون حرمتی واجبدی ولو کافر اولا
کیم ویروب دور قوناقا بالش و بستر کول اوغول
..
..
..
..
..
گلشن دینون اوغول باخمادیلار بلبلوسن
خامس آل عباسن آناوا سویگلوسن
زینبون قولاری باغلاندی حسینیم بولوسن
سن ئولَن گوندن اونون امری اولور مشکل اوغول
..
..
..
..
..
خطِّ سریمده بلا دشتنه دوشدی گذریم
ناگهان بیر یارالی جسمه ساتاشدی نظریم
چوخ یانوب قلبیم اونا قانه دونوب دور جگریم
نه بدن اوندا نه بیر باش واریدی نه اَل اوغول
..
..
..
..
..
جدّوه عرض ایلدیم یوخسا سولوب دور چمنون
کیمدی باخدوقجا بونا آرتوری درد و محنون
دیدی زهرا تانمورسان بو حسینوندی سنون
آناوین قلبنی قان ایلدی بو نیسگِل اوغول
..
..
..
..
..
ساربان ظلمی منیم قلبمی چوخ قان ایلدی
گوز یاشیم آخدی بیر آز دردیمه درمان ایلدی
بوغازون قانی اوغول زلفومی الوان ایلدی
بویانوب قانویله زلف سریم تِل تِل اوغول
..
..
..
..
..
کیم گوروب دور بیله بی رحم و شقی دشمن حسین
باخمادی سن گل زهرا و پیمبرسن حسین
نجه آیریلدون علی اصغر و اکبردن حسین
هاردا دور قاسم و عبّاس و قبیله ایل اوغول
..
..
..
..
..
نه گلوب لشکروه سن بیله قانه باتاسان
نه روا دشمن ایونده گَلَسن تک یاتاسان
قالی نه حاله باجون زینبی گوزدن آتاسان
قیزلاروندان دگی بیر ذّره قیزیم غافل اوغول
..
..
..
..
..
دیمه زینب باجیلوق قیدین اوغول آتموشدی
دیمه سندن صورا هرگز یورولوب یاتموشدی
آغلاماقدان سسی زینب باجوین باتموشدی
گینه او حالیله اوخشار باجون آغلار بول اوغول
..
..
..
..
..
او یانان خیمه ده قورموشدی عزاخانه سنه
چوخ اثر ایتدی قیزیم زینبون احوالی منه
التماس ایلور اوشاقلاردان اوتور اهرمنه
بو خیالیله اولار مقصدینه نایل اوغول
..
..
..
..
..
بیر به بیر قیزلاری چولدن یغوری اوز باشنا
چکوری اَل باشنا مانع اولور گوز یاشنا
گهی آغلور بالالار حالنه گه قارداشنا
استراحت نجه اولسون بالاما حاصل اوغول
..
..
..
..
..
مونس غمدی گَلَندن ایله دنیایه باجون
دوندی سن سیز گونوزی بیر شب یلدایه باجون
گه علی اکبره آغلور گهی لیلایه باجون
حرموندن باجون اولموب بولوسن غافل اوغول
..
..
..
..
..
گیجه دوتموشدولا بیر شام غریبان آنالار
او یانان خیمه ده ایلردیله افغان آنالار
دیمه عطشاندی ایچوب سو یرینه قان آنالار
اوغلی ئولموش آنا حالین بولر اهل دل اوغول
..
..
..
..
..
لیلی بیر یاندا دیردی وای علی ای وای علی
جسموین یاره سی تک دردیمه یوخدور تای علی
وردی اولموشدی ربابون گیجه نی لای لای علی
سسلنور دور بالا گل سینمه شیرین دیل اوغول
..
..
..
..
..
ای «رجائی» بولوسن عمروین آز مدّتی وار
دینوه خدمت ایله خدمتون قیمتی وار
غافل اگلشمه که اوندان صورا چوخ حسرتی وار
اوز گوزل عمرونی باطل ایلمز عاقل اوغول
..
..
..
..
..