زبدةالاشعار

باخدی تا حلق على اصغره بیچاره رُباب #اصغریه_ذوقی_تبریزی

زبانحال مادر غمدیده حضرت علی اصغر
بعد از شهادتش

.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
مشابه

.
مرحوم ذوقی تبریزی
.
باخدی تا حلق على اصغره بیچاره رُباب
یاندیروب یاخدی هامی عالمی اودلاره رُباب
.
.
آلدی اوّلده باسوب باغرینا چوخ حسرتیلن
گوردی تشنه بویانوب قانینه اول حالتیلن
یوزونه قویدی یوزین ائتدی نوا شدّتیلن
یاندی نار ستم فرقۀ اشراره رُباب
.
.
هئچ گمانی یوخودی اصغری اول حاله قالا
اودلانوردی بالاسی وئردی آتاسی سو آلا
گور میوب بیر آنا قالسون بیله بیر حاله بالا
حقّى وار حشره کیمی آغلاسا همواره رُباب
.
.
علی اصغر کیمی هانسی چمنون بیر گلی وار
او سولان غنچه گلون گور نه قدر بلبلی وار
آناسندا یوخودی سود وئره چوخ نسگلی وار
حلق اصغر تک ایدوب سینه سینی پاره رُباب
.
.
او سولان گلشنه اصغر سارالان بیر گلیدی
دولانوردی باشینا هر بالا بیر بلبلیدی
گوزل اوخشاردی رقیه ائله شیرین دلیدی
اوخشادیقجا او توکوب گوز یاشی رُخساره رُباب
.
.
دیدی یا رب بیله بیر ظلمی گوروب هانسی آنا
سود امر بیر بالاسی ظلمیله قانه بویانا آنا
آنا باخدیقجا بالا حالینه بو نوع یانا
ایلسون ایمدی بو درده نجه بیر چاره رُباب
.
سسلنوب هر نه قدر اصغری دیندیردی رُباب
گوردی گلمور بالادان هرگز او بی یاره جواب
حرمله بولدی ویروبدور دم پیکانیله آب
اولدی مستغرق دریای غم آواره رُباب
.
.
دیدی یا رب نه بلادی که بالام اولدی دچار
هانسی صیاد ایدوب آهو بالاسین بیله شکار
اشقیا ظلمیله عطشان بالامی اوخلادیلار
نجه گورسون بوغازین اصغرینون یاره رُباب
.
.
سنی اوخلاللا اوغول گر بونی بولسیدی آنان
آپارا وئرمزیدى جانب میدانه آنان
آیریلوق سالدی آرایه نه شَقیمیش اوخ آتان
قالدی حشره کیمی حسرت على دیداره رُباب
.
.
هانسی مذهبله روادور اوغول آلتی آیلوق اوشاق
بویانا قانه ، آتا اللرى اوسته بو سیاق
وئره جاق جدّیوه بولمم نه جواب اهل نفاق
سینه سین گوستره گر حیدر کرّاره رُباب
.
.
ایله تاثیر ایدور احوالون على جانی منه
گلمیوم داده نجه ایلمیوم ناله سنه
سنیدون غنچۀ تر تازه بو پوزقون چمنه
باخا سندن صورا هیهات على گلزاره رُباب
.
.
نیله موشدون بالا بو قومه نه اولدی گُنَهون
جان وئروردون سنه بس گلمه دی رحمی سِپَهون
الى اوستونده سنی اوخلادیلار تشنه شهون
باخار آغلار ستم لشگر خونخواره رُباب
.
.
دئ گوروم اهل جفا الده نه عنوان ایلدی
سنی بو دشتیده ئوز قانیوه غلطان ایلدی
بو غم افزا غمون عالملری حیران ایلدی
دیله گلمور گتوره حالیوی اظهاره رُباب
.
.
نجه گُنجیده ایدوم دلده بو نسگللریوی
گورمدیم دل آچاسان بیرجه گورم دیللریوی
بوییوبدور بالا کیم قانیله بو تللریوی
شانه وورسون نجه بو طُرّۀ طَرّارَه رُباب
.
.
گله لعنت بیله بیر دورۀ دورانه اوغول
یاخشی تبدیل ایلدون وصلوی هجرانه اوغول
دردی وار «ذوقی» گلور دمبدم افغانه اوغول
وئره جاق روز جزا اجر بو اشعاره رُباب
.
.
#اصغریه_ذوقی_تبریزی
#اصغریه_شهادت
#باخدی_تا_حلق_على_اصغره_بیچاره_رباب
#ترکی

متن پیشنهادی:  من عمّه جان بو حاله نه عنوانه دوشموشم #حضرت_رقیه_فریدی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی