بدرقه ی حجاج بیت الله الحرام و زائران بقیع
گریز به حضرت امّ البنین (س)
..
..
..
..
محمد حیدری امندی
..
..
..
..
گئدون ای حاجیلار،حقدن سیزه عالی نظر اولسون
هر مناجات و دعا ائتسوز او یئرده ، اثر اولسون
گئدیسوز بیت خدایه سفروز بی خطر اولسون
اوردا رحمت قاپوسین اوندا کی شوقیله چالارسبز
ال آچان وقته ثنایه بیزیده یاده سالارسیز
..
..
..
..
رستگار اولدی او کس آلله ائوین ائتدی طواف
چونکه هر کیم اولا زائر ائدر ئوز قلبینی صاف
کعبه نی آلله ائدیب جمله مسلمانه مطاف
حاجیلار دور وورار باشینه پروانه مثال
شکر ائدر آللها چاتدی گئنه ده یوم وصال
..
..
..
..
مکه دَه باغلیار احرام تاپار حال صلات
ظهریدن قاش قارالینجا اولا وقف عرفات
شب دهم دایانار مشعره ایستر حاجات
جمراته گئدیب اوردان داش آتار شیطانه
سونرا آماده اولار ذابح اولا قربانه
..
..
..
..
کسدی قربانینی اوننان سورا ایلر تقصیر
اولا آماده طوافه او سراپا تقصیر
اولماز هئچ بنده طوافیندن اونون مطلق،سیر
سونرادان ایلر اَدا اوردا طوافین نامازین
آل آچار درگهِ حقّه طلب ایلر نیازین
..
..
..
..
گر یولوز دوشسه بقیعه اولا بیردن فرصت
اوجادان آغلاماغا هئچ کسه اولماز رخصت
الیوی قوی سینووه قلبیده ایله نیت
حسنینین آناسین ذکر ، مدام ایله حاجی
آهیله گیزلین اولان قبره سلام ایله حاجی
..
..
..
..
گون قباقینده قالان قبریلره دوشسه گوزون
بیلیرم جوشه گلر قلبیده محنتلی سوزون
قوی بقیع نرده سینه صدقیله محنتلی یوزون
دئنن ای غملی بقیع ،مدفن زهرای بتول
کیم سنه زائر اولا قلباً اولار زار و ملول
..
..
..
..
ای بقیع سنده نئچه عهده وفادار یاتیب
قبری گیزلین نئچه معصوم دلفکار یاتیب
بیری پهلوسی سینان فاطمه دی زار یاتیب
نه بقیع اورداکی دیل نوحه دئییب دلدارینا
اورداکی ام بنین اوخشار ئوز اوغلانلارینا
..
..
..
..
نه دییر ،یاره لی آتدان دوشن عباسیم وای
دشمنی سینه سینَه اوخ دوزن عباسیم وای
قانی آخدیقجا حسین وای دییَن عباسیم وای
آدیوی خاک بقیعده یازارام هی ملرم
سایارام غملروی اوستونه قانیاش الرم
..
..
..
..
گیدون ای حاجیلار حقدن سیزه عالی نظر اولسون #زائر_کعبه_محمدحیدری
نظر دهید