مدح و میلادیه حضرت امام حسن مجتبی علیه السلام
…
محمد حسین ابراهیم پور خوئی
…
یتدی بوگون مشامیمه بوی خوش محمدی
آچدی جهانه دیده سین نوگل باغ سرمدی
فاطمه نین گولوب یوزی گلدی عزیز ارشدی
مژده گلوبدی زینت و زیور باغ احمدی
یاحسن‌بن‌‌مرتضا براین جهان خوش آمدی
ماه صیامه قیل نظر بوی خوش جنانی گور
بوشلا جمال یوسفی طلعت مجتبانی گور
بیت علیده گورسنن آینۀ خدانی گور
دلده اولان محبت وجلوه وئرن صفانی گور
سسله امیر ماسوا براین جهان خوش آمدی
عالمه شاهلیق ایلیور نوکر پور مرتضی
حکمته ال تاپوب اوکه ذکری اولوبدی مجتبی
مست رخ حسن اولوب فاطمه ئیله مصطفی
عالمی گلشن ایلیوب حجت حق لایُری
جمله ملک دیور آقا براین جهان خوش آمدی
رهبر خوش نما حسن سرور اتقیا حسن
یاور دلربا حسن دوم اصفیا حسن
حُسن حسن کمال حسن وارث انبیا حسن
واردی اورکده حاجتون صدقیله سسله یاحسن
ای هامی دردلره دوا براین جهان خوش آمدی
چهره سینه باخان دیور بنذیوری بو گل آیا
کیمسه تاپیلمادی اونون لطف و عطاسینی سایا
شکر ائلدی علی حق داوره وئردیگی پایا
وئردی نه تک مدینه یه بلکه صفا بو دنیایا
میوۀ قلب مصطفا براین جهان خوش آمدی
صلح کریم اوصیا مبدأ کربلائیدی
مشکله دال چوورمدی صابر هر بلائیدی
صابر هر بلا اولان شکّ ائلمه ولائیدی
کیم اونا چپ باخا اگر خانه سی برملائیدی
رابع ساکن العبا بر این جهان خوش آمدی
عشقه باخون گلوب دیله سسلیور حیدرین گلون
لطف خدای لایزال حضرت کوثرین گلون
مشرف ارضیلن سما شخص پیمبرین گلون
باغ امامت ایچره کی عطریلی بهترین گلون
ای آدی زینت سما بر این جهان خوش آمدی
آیت اعظم خدا شافع یوم آشنا
سائلی شاهیلن گدا پیرو راه مرتضا
دین رسوله انجلا درد و مصائبه دوا
مبقی مکتب ولا فاطمه چشمینه ضیا
معنی عزّت و وفا بر این جهان خوش آمدی
بذل ائلیوبدی ثروتین اوچ سِری در ره خدا(۱)
شخص فقیری ایلدی ثروتی ، جز ٕ اغنیا
عرض ائلورم که یاحسن باخ من زاره محسنا
تذکره یاز که عازم کرب و بلا اولوم شها
جانیوه بو جانیم فدا براین جهان خوش آمدی
ـــــــــــ
(۱)امام حسن مجتبی(ع) سه بار مال و اموالش را با فقرا تقسیم کردند یکبار(یک دوم)، یکبار(یک سوم)، یکبار هم(یک چهارم).
#حسنیه_میلادیه #ماه_رمضان #حسنیه
#یتدی_بو_گون_مشامیمه_بوی_خوش_محمدی
#ابراهیم_پور_خویی
#ترکی
نظر دهید