شهادت ضامن غریبان امام رضا (ع)
.
✍️ زبدة الاشعار ✍️
.
🆔: @nohe_torki
.
مرحوم دلریش
.
ظلمینده ائتدی طغیان یا ضامن غریبان
مأمون نامسلمان یا ضامن غریبان
عالم اولوب پریشان
.
.
اولموش سیز اهل بیته ای وارث پیمبر
اولدوقدن بو غربت روز ازل مقرر
ایلر بو ماجرایه اهل جهان سراسر
تا حشر اولونجا افغان یا ضامن غریبان
.
.
فریاد او وقتدن که هارون بی مروت
انگوره زهر داخل ائتدی او پر شقاوت
وئردی سنِ غریبه ائتدی بو درد و محنت
اوغلون تقینی نالان یا ضامن غریبان
.
.
سن جان وئرنده اوغلون باتدی غم و ملاله
آلدی باشون دیز اوسته ائتدی فغان و ناله
دوشدی بو ماجرادن جدّون حسین خیاله
وئردی نه نوعیله جان یا ضامن غریبان
.
.
وورمیشدی اهل کوفه بسکه او شاهه یاره
گلمزدی سانه زخمی جسمینده چون ستاره
شمر لعین سو وئرموب اول تشنه شهریاره
کسدی باشین لب عطشان یا ضامن غریبان
.
.
اهل جفا او شاهی یکسر آرایه آلدى
جمله سویوب لباسین مولا یوز اوسته سالدى
ایستی قوم اوسته اوچ گون جسم شریفی قالدى
گونلر ائوینده عریان یا ضامن غریبان
.
.
شمر دغا حسین بی غمگسار باشین
کسدی ووروب جدایه اول شهریار باشین
آخرده اول غریبین بیر نابکار باشین
ائتدی کول اوسته مهمان یا ضامن غریبان
.
.
غم شربتی او چولده جام بلایه دولدی
گلزار آل طاها ظلم و ستمله سولدی
دشت بلاده جسمی جدون حسینون اولدی
پامال سم اسبان یا ضامن غریبان
.
.
هر قدر وار حیاتون «دلریش» به چشم پر نم
یاز نوحه ایله ناله ساخلا بو شاهه ماتم
بو دستۀ حسینی ای پادشاه عالم
ائت عازم خراسان یا ضامن غریبان
.
.
.
#سبک_احوالیمیز_یاماندی … 10 سبک
.
#رضویه_شهادت
#ظلمینده_ائتدی_طغیان_یا_ضامن_غریبان
#دلریش
#ترکی
.
✍️ #زبدةالاشعار ✍️
.
🆔: @nohe_torki
نظر دهید