زبانحال حضرت ام البنین (س) به حضرت عبّاس (ع)
..
..
..
..
رضا غلامپور(دلپاک)
..
..
..
..
یثربده آنان جان وئریر افغانیله عبّاس
سندن سورا همدمدی فغان جانیله عبّاس
..
بیر ام البنینم کی یوخومدور داخی اوغلوم
چوخ کشمکشیم واردی بو عنوانیله عبّاس
..
خلوتگه آلامیده سرگرم عزادور
ال سینه ائله گوزیاشی دامانیله عبّاس
..
مسئولیدی تسکین ملولانه آنان چون
قلبی داغیلیر نالهٔ پنهانیله عبّاس
..
پروانه صفت یاندی وجودومده کل اولدی
داغلی اورکیم آتش هجرانیله عبّاس
..
تنها گجلر شعلهٔ ماتمده یانان دم
جسمیم اَرییب شمع شبستانیله عبّاس
ایمانیله سن سالک بو مسلک اولان گون
سالدیم سنی منده یولا ایمانیله عبّاس
..
سنسیز سیخیری تنگه سالیر قلبیمی دنیا
یوخ فرقی بو دنیا منه زندانیله عبّاس
..
احسان ائله اولسون گوروشون بیرده نصیبیم
تا کامه چاتیم سن ائدن احسانیله عبّاس
..
سندن سورا وار جای عجب ئولمه میشم من
عمر ایلمیشم حال پریشانیله عبّاس
..
تشریح ملالیمده تعابیر غمیمده
بو بس وئریرم جان دل نالانیله عبّاس
..
مهمان اولانی جمله جمالون گوز ائوینده
گوز روشن اولوب نور بو مهمانیله عبّاس
..
سن تک اوغول الدن وئرنین دردی مسلم
بیگانه دی عالم بویی درمانیله عبّاس
..
بیر درده دوشوب بیکس آنان درد بلادن
قبرینده یاتار درد فراوانیله عبّاس
..
حقّیم آنالیق اوسته حلالون کی حسینه
خدمت ائلدون همت شایانیله عبّاس
..
بیر خط عدم چکدون امان نامهٔ کفره
بولسون کی امان حقدی مسلمانیله عبّاس
..
گل گل باشیم اوسته اوخی قرآن،یولا گل سال
بی کس آناوی قبرینه قرآنیله عبّاس
..
گل گل اوجا قامت او اوزون قولارا بیرده
جان اوسته باخیم دیدهٔ گریانیله عبّاس
..
مدرکدی بویوک درد و غمه خردا مزارون
مرقدی اوجا قامته برهانیله عبّاس
..
بیر قامت و قدّی کی دئیولر کیچیلیبدی
دشمنلر آرا تیغه ی برانیله عبّاس
..
قولاریوه نولموشدی مگر کی آپاریردون
سو مشکینی سن خیمیه دندانیله عبّاس
..
بیر اوخ ولی بوکدی هامی طومار امیدی
مشک آغلادی ناگه لب خندانیله عبّاس
..
سایسیز اوخ آتان بیر هدفه بس بو دلیله
جسمین بورونوب دستهٔ پیکانیله عبّاس
..
بیر اوخ هارا دگدی هارا دگدی آنان ئولسون؟
باغرین تک اودم دولدی گوزون قانیله عبّاس
..
ای وای منه اخیامه سو مشکیله گلوردون
قولسوز بئله سویلوله نیستانیله عبّاس
..
آثار عمود اولدی سبب نقش جمالون
بیر قابه دوشوب صفحهٔ میدانیله عبّاس
..
سقاسن اوزون نهر کنارینده صد افسوس
خجلتله یاتیبسان لب عطشانیله عبّاس
..
فاش اولسا اگر نیزه ئیله محنت باشین
درگیر اولار ال باغلی گریبانیله عبّاس
..
سرنیزه نین اوستنونده اگر دورماسا بیر باش
بی شک داغلیب ضربهٔ عدوانیله عبّاس
..
جان اوسته آنان نغمهٔ لای لاییله مشغول
تا خوش یاتاسان پیکر شانشانیله عبّاس
..
یات یات یارالی جانیوه جانیم اولا قربان
کیم خسته دی چوخ محنت دورانیله عبّاس
..
بولدوم کی سینیب زورق جسمون نچه یئردن
دریای بلیّاتیده طوفانیله عبّاس
..
چرخ و فلکین چرخینه باخ قهریله آخر
گور نیلدی بو خانه سی ویرانیله عبّاس
..
حالیم ائله بیر حالیدی غمدن کی بو غمدن
«دلپاک» یازیر حالت حیرانیله عبّاس
..
..
..
#حضرت_ام_البنین #دلپاک #ترکی #زبدةالاشعار
نظر دهید