یثربی ترک ایلمه ای شاه مظلومان حسین #خروج_مدینه_یحیوی_اردبیلی

خروج امام حسین علیه السلام از مدینه
زبانحال ام سلمه
..
..
..
..
..
مرحوم یحیوی اردبیلی
..
..
..
..
..
یثربی ترک ایلمه ای شاه مظلومان حسین
ام سلمه جانوه اولسون سنون قربان حسین
..
..
..
..
..
ترک یثرب ایلمه ای یادگار مصطفی
جلوه لندی فکریمه فرمایش خیرالورا
بیر گونی اثنای صحبتده او ختم انبیا
سندن آد گتدی ولی چوخ ایلیوب افغان حسین
..
..
..
..
..
عرض قیلدیم من حضور حضرت پیغمبره
یا رسول الله ندن اشکون دولوبدور گوزلره
ضمن صحبتده ائله باخدون بو طفل اطهره
حالتون تغییر ائدوب بیردن بویوردون جان حسین
..
..
..
..
..
آند وئرّم من سنی اوغلون حسینون آدینه
آدینه هم جانینه هم حرمت اجدادینه
قیل منی حالی همین بو نکته نون بنیادینه
علت و باعث ندور ائتدی سنی گریان حسین
..
..
..
..
..
قیلدی فرمایش منه اول حضرت خیر البشر
ام سلمه سن نیه آلدون بو اسراری خبر
لیلۀ معراجده بیر مقصده ائتدوم گذر
کربلا اوضاعینی گوردوم ائدوب پیمان حسین
..
..
..
..
..
هر زمان گوردون حسین ایلر سفر بو شهردن
ایلیور یک مرتبه صرف نظر بو شهردن
کربلا آدلو یئره ایلر گذر بو شهردن
اوندا بیل اؤز قائینه ایستر اولا الوان حسین
..
..
..
..
..
ترک یثرب ایلیوب اوز کربلایه دوندرور
نینوا تورپاقینی خاک شفایه دوندرور
کربلا صحراسینی کوه منایه دوندرور
بیر گون عوضینده وئرر یتمیش یکی قربان حسین
..
..
..
..
..
قانلو میدانه دوشر صدپاره جسم اطهری
دوغرانور هر بند بندیندن یارالی پیکری
سو کنارینده سوسوز باشین کسر دشمنلری
خنجر آلتیندا دییر یا قوم انا العطشان حسین
..
..
..
..
..
ایندی اول فرمایش جدّون منه ایلر اثر
قورخورام من بو سفردن اوز وئره آیری خطر
چوخ تمنّا ایلرم گل یاحسین ائتمه سفر
توکمسون ناحق یئره قانون سنون عدوان حسین
..
..
..
..
..
راضی اولما فاطمه قیزلاری ذلت گورمگه
خورداجا قیزلاروی دام مذلّت گورمگه
زینبون قوللارینی قید اسارت گورمگه
قویما لیلانی گزه چوللرده سرگردان حسین
..
..
..
..
..
گوردى ام سلمه نی آغلار ائدر چوخ التجا
بیر اشاریله سؤزین آندیردی شاه کربلا
قویسالار اوز آشیانینده قالور طیر قضا
بو سفردن قالماقا یوخ نیلسون امکان حسین
..
..
..
..
..
قلعۀ محکم حصار و صخره ی سمّاده من
ایلسم مسکن اگر بیر گوشۀ صحراده من
دشمنیم قویماز داخی راحت گَزَم دنیاده من
چاره یوخ اولسون گرک اوز قانینه غلطان حسین
..
..
..
..
..
مقصدیم کرب و بلا فکریم شهادتدور منیم
ئولمگیم دنیاده بیل عین شهامتدور منیم
قتلیمه آماده بو قوم شقاوتدور منیم
أوزلری دعوت ائدوب گلسون بیزه مهمان حسین
..
..
..
..
..
کربلا دشتینده بیر محشر هویدا ایلرم
باش وئروب جاندان کئچوب جانانی پیدا ایلرم
گه تنور خولیده کول اوسته مأوا ایلرم
گه کلیساده اولور مهمان رهبانان حسین
..
..
..
..
..
یحیوی، شعری زلال کوثر معنا بیلور
سیر ائدور افلاک ذوقی، عشقی مین دریا بیلور
جوهر عشقی، فروغ طلعت طاها بیلور
بو فروغون پرتوی، شمس رخ جانان حسین
..
..
..
..
..