تنور خولی
سوال و جواب
.
✍️ #زبدةالاشعار ✍️
.
🆔: @nohe_torki
.
مرحوم نجمی تبریزی
.
سن اوغول گرک یاتیدون سینم اوسته یا گول اوسته
فاطمه باشون فداسی یاتموسان ندن کول اوسته
.
.
ای غم و مصیبتیمده یاندیران دل جهانی
وار یری آنان گتورسه درده جمله ماسوانی
اوغلونی کول اوسته گورسه هانسی بیر آنا دایانی
فاطمه باشون فداسی یاتموسان ندن کول اوسته
.
.
توکمورم اوغول عذاره بی سبب سرشک الی
استی کوللر اوسته باشون گوزلریم گورور یارالی
وئر سسینه سس آناوون چوخدی محنت و ملالی
فاطمه باشون فداسی یاتموسان ندن کول اوسته
.
.
یانمیشام اوغول شرار ظلمه خیمه لر یاناندا
کعب نیزه ضربتیندن زینبیم یارالاناندا
اودلاما منی علاوه یاتما بیله بیر مکاندا
فاطمه باشون فداسی یاتموسان ندن کول اوسته
.
.
پیکرون گلنده گوردوم قتلگهده پاره پاره
یاندیم آغلادیم او یرده آخدی گوز یاشیم عذاره
گلدیم عارضون کول اوسته گوردیم آغلادیم دوباره
فاطمه باشون فداسی یاتموسان ندن کول اوسته
.
.
خولی ستم شعارین داد اولا شقاوتیندن
عرشی لرزیه گتورموش ظلم بی نهایتیندن
یر تنوریده وئیروبدور باشیوه عداوتیندن
فاطمه باشون فداسی یاتموسان ندن کول اوسته
.
.
بیر باشی که دستمالی عرض حقه زینت اولسون
نه روا اوغول او باشه بیله هتک حرمت اولسون
گور اولور اناندا بیله ظلمه استقامت اولسون
فاطمه باشون فداسی یاتموسان ندن کول اوسته
.
.
منجنیق درد و غمده بس دگولدی بو سیخیلدون
باش یارا بدن یارالی ذوالجناحیدن یخلدون
مصحف وروق ورق تک جلد دن اوغول چیخیلدون
فاطمه باشون فداسی یاتموسان ندن کول اوسته
.
.
بس دگولدی کربلاده خرگهون یانوب آلیشدی
زینبین گوزونده اشکه قانی قلبینون قاریشدی
خولیه نه ایلمیشدون بو جسارته چالیشدی
فاطمه باشون فداسی یاتموسان ندن کول اوسته
.
.
خولی نه جسارتیله ای چراغ بزم وحدت
بو گوزل یارالی باشه ایلیوبدی هتک حرمت
جانیوه قسم حسینیم قالمادی آناندا طاقت
فاطمه باشون فداسی یاتموسان ندن کول اوسته
.
.
بس دگولدی گول وجودون بند بند دن اوزولدی
تک به تک او بند لردن قطره قطره قان سوزولدی
دانه دانه اشکیم اوندا نج سایوزه دوزولدی
فاطمه باشون فداسی یاتموسان ندن کول اوسته
.
.
/// زبانحال امام حسین (ع) با مصرع اول زیر ///
#بسلدون_آنا_بو_باشی_گاهی_سینه_گه_گول_اوسته
.
#تنورخولی_نجمی_تبریزی
#سن_اوغول_گرک_یاتیدون_سینم_اوسته_یا_گول_اوسته
#ترکی
.
✍️ #زبدةالاشعار ✍️
.
🆔: @nohe_torki
.
نظر دهید